Árbók (Kristilegt bókmenntafélag) - 01.01.1935, Side 85

8i
greinar. Sama eða svipað má segja um íþrótta-
völl. Helzt þarf K.F.U.M. að hafa æfingasvæði
sér fyrir sína meðlimi.
Skátafélög. Skátahreyfingin hófst innan K.F.U.
M. og hefir náð mikilli útbreiðslu meðal félaganna.
Skipulag þeirra, flokkskerfið, er sniðið við eðli
drengjanna og veitir jafnframt ágæta aðstöðu til
kristilegra áhrifa. Hér skal ekki rætt um skipulag
né starfssemi skáta. Einatt hefir hún mistekizt,
hvað kristileg áhrif snertir. Mun það þó ekki
skipulagi að kenna, heldur röngu vali foringja.
Bezt er að skátar K.F.U.M. í landi hverju hafi
landssamband sér, jafnvel þótt þeir tilheyri sam-
bandi annara skáta í landinu.
Sumarstarf K.F.U.M. er með mörgu móti. Má
nefna fjórar myndir þess aðallega: ferðalög, tjald-
búðir, skálabúðir og sumarheimili. — Bæði K.F.
U.M. sem heild og einstakar deildir stofna til
ferðalaga á sumrin. Er þá farið til fagurra og
merkilegra staða, dvalið þar við leiki og annað,
sem náttúran hefir að bjóða. Guðsorð er haft um
hönd. Oft eru slíkar stundir fagrar og eftirminni-
legar. Auðvitað eru það drengjadeildir, sem mest
stunda ferðalög. Það kostar mikið starf, bæði við
undirbúning og framkvæmdir. — Tjaldbúðir eru
einföld og skemmtileg mynd sumarbúða. Skátarn-
ir leggja mjög rækt við þær, bæði um helgar og
lengri tíma. Aðrar deildir nota Hka tjaldbúðir. —
Skálabúðir. Oft reyna félög að koma upp skáia