Heimilisblaðið - 01.05.1969, Page 34

Þekktu sjálfan þig
„Þekktu sjálfan þig!“ sagði Sókrates aft-
ur og- aftur við þá, sem leituðu ráða og leið-
beiningar hjá lionum. Og þó að margar aldir
séu liðnar, síðan þessi mesti vitringur og
hug'suður fornaldarinnar gekk um og kenndi,
liafa alvöruorð hans um sjálfsþekkingu boð-
skap að flytja mönnum vorrar aldar, alveg
eins og þau höfðu það forðum til samtíðar
hans.
Þekktu sjálfan þig — því að sjálfsþekk-
ing er nauðsynlegt skilyrði til sjálfsuppeldis.
Líttu á sjálfan þig með einlægni —• því að
það þarf að byrja innan frá.
Þekktu sjálfan þig — með göllum þínum
og brestum. Það gjörir þig hvorki hamingju-
samari né betri að mögla og hreyta úr þér
illyrðum vegna vonbrigða og óhappa, sem þú
hefur orðið fyrir. Með einlægri og auðmjúkri
sjálfsþekkingu kemst þú nær liamingjunni,
af því að viðurkenningin á þeim þætti og
hlutdeild, sem þú hefur sjálfur átt í óhapp-
inu, mun örva þig til þess að breyta vitur-
legar og betur í næsta skipti. Sá, sem vill
einatt koma sökinni af sjálfum sér yfir á „til-
viljunina" eða „örlögin", endar með því,
sem er aumlegast af öllu: sjálfsmeðaumkun.
Þekktu sjálfan þig — og þú munt læra að
dæma aðra með mildi. Harka dómsjúkra
manna gagnvart göllum og syndum náung-
ans stafar að miklu leyti af því, að þeim hef-
ur láðzt að afla sér sannrar þekkingar á
sjálfum sér.
Þekktu sjálfan þig — og þú munt öðlast
unaðslegustu hamingju lífsins: að geta orðið
öðrum eitthvað. Maður getur ekki hjálpað
neinum réttilega, sem maður skilur ekki. Og
það er í rauninni engan unnt að skilja, fyrr
en maður er í einlægni farinn að reyna að
þekkja sjálfan sig. Ilinn nærfærni skilning-
ur á öðru mannshjarta, sem er ófrávíkjan-
legt skilyrði til þess að geta veitt raunveru-
lega hjálp með ráðum og dáð — veitist að-
eins fyrir sjálfsþekkingu.
Þekktu sjálfan þig! Ekki þaunig, að þú í
falskri auðmýkt myndir þér afskrœmda
mynd af sjálfum þér, svo að ]dú glatir sjálfs-
traustinu. Ekki heldur þannig, að þú afsakir
þig á yfirborðslegan hátt fyrir sjálfum þér
122
og umberir sjálfan þig og gjörir þér glans-
mynd af sjálfum þér. Ileldur þannig, að þú,
með einlægri sjálfsrannsókn, vinnir þig áfram
og- öðlist dýpri skilning, bæði fyrir mótlæti
og meðlæti, og að þú hafir stöðugt það mark
fyrir augum, að líf þitt verði betra, göfugra
og óeigingjarnara.
Þekktu sjálfan þig!
Frater.
Nafnagáta
Fyrsti er: Vindur, allra átta,
annar: milli tveggja nátta,
fóstraði þriðja fjarlœgt land.
Fátækur er fjórði talinn,
fimmti var í logni alinn.
Örkinni sjötti sigldi í strand.
Sjöundi: goð og elda inni
áttundi ber nafnið sinni,
níundi er naumast skýr,
tíundi: óðul á á fjöllum,
ellefti: flýgur hæst af öllum,
tólfti í myrkri moldu býr.
Þessi enska stúlka virðist vera ánægð með félagana.
Lausn á nafnagátu:
1. Kúri, 2. Dagur, 3. Erlendur, 4. Eirikur, 5. Bi"
vindur, 6. Nói, 7. Þórarinn, 8. Hugi, 9. Óspakur,
Jökull, 11. Örn, 12. Ormur.
Jóliannes Benjamínsson.
HEIMILISBLAÐlP