Iðunn : nýr flokkur - 01.04.1921, Qupperneq 37

iðunn] Nokkrir gestir vorir á þjóðhátíöinni 1874. 275
um (polyglott). Þessi bréfvinur okkar lilkynti okkur
sviplegt lát Brownings. Haíði hann fundist nærri höll
þeirri, er hann dvaldi í, örendur og skorinn á háls,
og lágu hjá liki hans 2 blóðugir rakhnifar. Þótti
okkur þetta verri sagan og varð okkur þá að minn-
ast skegghnífanna, sem hann hafði sýnt okkur og
varðveitt lengi sem helgigripi. Og er margt kynlegt í
þessum heimi. Man ég að Steingrími varð að orði
við andlátsfregnina: »1 had better spared a bet-
ter man«, a: ég hefði heldur viljað missa skárri
mann. (Úr Hinriki IV. eflir Shakespeare).
Dr. Karl Rosenberg. Með honum kemur nýr og
meiri maður til sögunnar, enda nafn hans kært og
alkunnugt hér á landi. Hann kom einn síns liðs, en
ekki með konungsfylgdinni; var hann miklu meir
írígeðja maður en svo, að hann vildi vera í skjóli
konungsmanna eða vera nokkrum háður. Hafði hann
áður getið sér góðan orðstir fyrir stjórnmálaafskifti
í frjálsa stefnu og sem eindreginn málsvari vorra
réttinda. Dr. R. var hinn mesti skörungur í skapi
og snemma skarpur námsmaður; komst og snemma
á stjórnmálaskrifstofur Dana og hefði ungur komist
í valdasætin, hefði hann verið meiri stillingarmaður
i stjórnmálum. Slepti því snemma embættisveginum
og gaf sig úr því að óháðum ritstörfum og fræð*du-
málum. Eg fekk fyrst kynni af honum í Kaupmanna-
höfn sumarið 1871, og héldum við vináttu saman
upp frá því. Á þjóðhátíðinni vorum við mest sam-
an þremenningarnir, við Stgr. og hann, og bjó hann
annað veifið í húsi tengdamóður minnar, Aniku Knud-
sen. Dvaidi hann hér fram á haust og ferðaðist aust-
ur í Fljótshlíð og víðar. Hann fékk til reiðar tvo
móalótta hesta, fagra og feita, er eftir voru af stóði
Diðriks sál. Knudsens, er þóttu hin tápmestu hross
og komu þó aldrei í hús. En því get ég þessa, að
Rósenberg batt hið mesta vinfengi við hesta þessa