Kirkjuritið - 01.01.1935, Qupperneq 64

Kirkjuritið.
NÝTT RIT
eftir danska geðveikralækninn dr. med. H. I. Schou: „Ideale
Længsler og kristen Tro. Fire Foredrag". — O. Lohse. Köben-
havn 1934.
Er mér barst vitneskja um, að nýtt rit væri komið út eftir
dr. Schou, pantaði ég það þegar í stað og hlakkaði til að lesa
það sem fyrst. Ég hafði áður fcngið bækur þessa læknis, hæði
„/?eligiösitet og sygelige Sindstilstande“, er kom út 1924, og
,.Sjælelige Konflikterer kom út árið 1931, og orðið hrifinn
af þeim háðum. Bækur þessar voru um ýms fyrirbrigði sálar-
lifsins og um mátt trúarinnar til að vernda taugakerfi manna
gegn hinum margvíslegu öflum, er á það herja. En það, sem
gjörði- þær svo aðlaðandi, var annarsvegar, hve höfundur
þeirra skrifar ljóst og alþýðlega um hin flóknu rannsóknarefni,
en hins vegar, hve heitur trúmaður hann er og áhugasamur
um það, að hin nýja þekking í sálarlífsfræðinni geti orðið þeim
til leiðbeiningar, er sálgæzlu stunda, og hverjum þeim til gagns,
er veika menn umgangast. — Ur „Sjælelige Konflikter“ voru
nokkrir þýddir lcaflar birtir í „Prestafélagsritinu“ 1932, þar
á meðal mjög athyglisverður kafli um trúarhæfileika manna.
Hin nýja bók læknisins er ekki löng, aðeins 88 blaðsiður, en
hún hefir öll hin sömu góðu einkenni og fyrri bækur hans.
I henni eru fjórir fyrirlestrar, sem höfundur hefir haldið á ýms-
um stöðum á árunum 1916 til 1933. Fyrsti fyrirlesturinn heitir:
„Ideale Længsler og kristen Tro“, annar: „Det verdslige Kalds
Hellighed“, sá þriðji: „Samvirke mellem Præst og Læge i Sjæle-
sorgen“, en hinn fjórði og síðasti: „De legemlige Tilstandes Be-
tydning i'or det religiöse Sjæleliv“. Er hver af fyrirlestrum þess-
um öðrum betri og eiga allir erindi til vorra tima, en mest
þykir mér þó til siðasta fyrirlestursins koma og þess, er höf-
undur segir um samband sálar og líkama og áhrif ákveðinna
sjúkdóma á geðslag manna og andlega liðan. Eru nýjustu rann-
sóknir um þau efni mjög merkilegar, og gefur höfundur margar
góðar og þarfar bendingar, sem mjög gagnlegt er að þekkja.
Þeim, sem vildu kynna sér það efni nánar, má benda á ágæta
hók eftir Eivind Berggrav biskup, er kom út i Oslo 1933 og
heitir: „Legeme og sjel i karakterliv og gudsliv“.
Hið nýja rit dr. Schous endar á kaflanum, sem hér á eftir
hirtist í þýðingu undir yfirskriftinni: „Hljóðar stundir“. Eru
það niðurlagsorð höfundar.
S. P. S.