Kirkjuritið - 01.11.1937, Blaðsíða 40
376
Innlendar fréttir.
Kirkjuritið.
Merkileg altaristafla.
Sunnudaginn 5. sept. s.l. var kirkjunni á SiglufirSi afhent fram-
úrskarandi myndarleg gjöf, stór og vegleg altaristafla, máluS af
Gunnlaugi Blöndal listmálara. Mun þetta vera ein hin stærsla
og tilkomumesta altaristafla af nýrri gerS, sem prýðir kirkjur
hér á landi. Hefir listamaðurinn unnið að henni í 2 ár, og er
hún talin eitt af slærstu og merkilegustu verkum hans. Stærð
hennar er 3 X 2,30 m.
Atburðurinn, sem liggur til grundvallar listaverkinu, er frásaga
N. t. um göngu Jesú til lærisveina sinna, þar sem þeir eru i
stormi og öldugangi úti á Genesaretvatninu (Mark. (i, 47—50).
Málverkið er þannig útfært, að það sýnir íslenzka staðhætti og
íslenzka fiskimenn og minnir með sérstökum hætti á baráttu
þeirra við storma og bylgjur hafsins og hjálþ þeirra í þeirri bar-
áttu, eða þá almennu reynslu, sem kemur svo oft fram i lífi
mannanna, að „þegar neyðin er stærst, er hjálpin næst“.
Afhending altaristöflunnar fór fram í upphafi sérstakrar há-
tiðaguðsþjónustu, sem jafnframt var sjómannaguðsþjónusta.
Þormóður Eyjólfsson konsúll afhenti gjöfina fyrir hönd gefend-
anna, sem eru 14 að tölu og vildu ekki láta getið um nöfn sín.
í ræðu, er Þ. E. flutti við þetta tækifæri, fórust honum orð
meðal annars á þessa leið:
„Ósk gefendanna er sú, að altaristaflan megi verða söfnuðinum
til ánægju og vekja lijá honum traust á hjálpræði og niátt hins
góða“.
Sóknarpresturinn þakkaði gjöfina fyrir hönd safnaðarins og
flutti síðan prédikun út frá Mark. 6, 47—50.
Þessi nýja altaristafla kirkjunnar minnir með sérstökum hætti
á það starfslíf, sem Siglufjörður er vaxinn upp al'. Hún sameinar
á fagran hátt að vera listaverk í fremstu röð og vekja sígilda
trúarlega hugsun. Er því ekki að efa, að þessi nýja altaristafla
mun vekja hina mestu athygli.
Um það leyti sem altaristaflan var afhent, voru 5 ár liðin frá
því, að Siglufjarðarkirkja var vígð, og var J>etta því myndarleg
afmælisgjöf, og er það einn vottur af mörgum, frá því kirkjan
var reist, um þann góða hug, sem margir Siglfirðingar bera til
kirkju sinnar. Óskar J. Þorláksson.
Séra Sigurgeir Sigurðsson prófastur á ísafirði
átti 20 ára prestskaparafmæli í f. m. Færði safnaðarfólk hans
honum þá mikla peningagjöf og fylgdi þetta ávarp:
Herra prófastur séra Sigurgeir Sigurðsson ísafirði.
í tutlugu ár hafið J)ér starfað meðal vor, i tuttugu ár þjónað