Kirkjuritið - 01.06.1955, Side 35

TVÖ BRÉF FRÁ MATTHÍASI
273
vinur föður míns, og sá af lærisveinum hans, sem hann unni
mest allra vandalausra, enda hafði faðir minn kennt honum
undir skóla og átt nokkurn þátt í því, að hann komst út á
menntabrautina, og það var Magnús Andrésson, sem átti uppá-
stunguna að því, hverjir voru settir í hina nýju sálmabókar-
nefnd.“
Þetta segir hinn þaulkunnugi greinarhöfundur, og tel ég ekki
efa á, að rétt sé. Matthías skrifar grein sína og telur, að hætti
blaðamanna, að hún hafi haft mikil áhrif. En það eitt, að
nefndin er fullskipuð þrem dögum síðar, ætti að vera nægileg
sönnun þess, að frumkvæðið að nefndarskipuninni er ekki það-
an. Vitanlega hefir þá undirbúningsstarfi verið lokið, og því
kemur „svariö“ svona fljótt.
M.J.
Reykjavík, 5. maí 1874.
Minn ágæti og elskulegi vinur.
Um leið og eg þakka þér allan elskulegan og sannbróðurlegan
drengskap, bið eg þig fyrirgefningar á svikum mínum og rænu-
^eysi að hafa ekki skrifað þér oftar.
Bréf frá þér í haust hefi eg aldrei séð, en trúi þér. Einkum
vil eg biðja þig að misvirða ekki, að eg hefi ekki enn þá látið
það neitt heita með erfiljóð. Eg er aumur í þeirri grein. Um
tuttugu lofuð þess konar stykki liggja enn ógetin og fædd í
mínum hringlanda heila. Sama dag og eg heyrði sorgarfregn-
Ina um lát séra Gunnars, kvað eg nokkur vers eftir hann, sem
eg sendi Tryggva strax frá Cambridge til Hafnar, og bað hann
a<5 setja í Andvara. Líka hefi eg ásett mér einhvern tíma að
uefna nafn hans í Þjóðólfi. Eftir Pál í Víðidalstungu hefi eg
verið beðinn að yrkja og skal reyna í sumar. En séra Björn
er einn bezt fallinn til að minnast séra Þorsteins sál. Eg sá
bann aldrei.
Eg vona Guð lofi okkur að sjást í sumar; þá meira um ljóðin,
enda skal þá eitthvað sungið verða. — Já, mikið hefir á daga
vor beggja drifið, en það er gott: Stríð, stríð, og svo sigur!-
Og þá skal eg nú fljótlega en þó gætilega minnast á ykkar
heiðraða, vel samda, rólega og skynsamlega bréf (að meðtöldu
Umb.bréfi þínu, ágætu og skörulegu líka): Það fer mjög óheppi-
^ega og horfir nálega til vandræða með Þingvalla-þjóðhátíðina.
1 B