Kirkjuritið - 01.12.1956, Page 29

SÉKA PÉTUR T. ODDSSON
467
Hann stofnaði innan prófastsdæmisins deild í Hinu íslenzka
Biblíufélagi, og skyldu allir vera í henni, ungir og gamlir, var
jafnvel stofnað blað í nafni deildarinnar. Enginn skildi betur,
hvert lífsskilyrði almenn þátttaka er Biblíufélagi voru.
Enn meira kapp lagði hann á að vekja söngmennt og sönglíf
í héraðinu. Hann þekkti göfgandi áhrif söngsins og sameiningar-
mátt, að hann getur orðið mál Heilags anda, sem hjörtun skilja
— vegur frá jörðinni til himins. Hann stofnaði kirkjukóra og
æfði þá kostgæfilega og gerðist formaður Kirkjukórasambands
Dalaprófastsdæmis. Stjómaði hann samsöngum, er þóttu ágæt-
lega takast. Hann nam af miklu kappi í Þýzkalandi í vetur, sem
leið, söngstjórn kirkjukóra. Taldi hann sig hafa haft mikið gagn
og yndi af þeirri dvöl og hugði gott til þess að láta söfnuði sína
njóta. Ekki löngu eftir heimkomuna prédikaði hann við setn-
ingu prestastefnunnar um trúargildi söngsins fyrir kristna menn.
Þessa hjartnæmu ræðu geymi ég nú í hug, er sól hefir brugð-
ið sumri svo skjótt, eins og svanasöng þess, sem ég trúi fast, að
horfinn sé til sóllanda fegri og unaðslegri samhljóma en jarð-
neskt auga eða eyra fær greint.
í prestaköllum séra Péturs bæði eystra og vestra eru fornhelg-
ir sögustaðir, sem leggur frá ljóma í kristnisögu íslands: í Álfta-
firði syðra tjaldstæði Þangbrands messu og altari, skímarlind
Síðu-Halls og kirkjurúst, og í Hvammi Krosshólaborg Unnar
djúpúðgu. Þaðan slær leiftrum um liðnar aldir, svo að mistrið
sundrast og vér skiljum betur samhengi sögunnar og samtíðar-
menn vora. Ég sé geislastaf falla frá þessum stöðum á prests-
starf séra Péturs. Hann var einn í fylkingu lærisveina Jesú Krists,
kynslóð af kynslóð. Hann leit aldrei aftur, er hann lagði hönd-
ina á plóginn til Guðs ríkis starfa, heldur vildi þjóna Drottni af
öllu hjarta, öllum huga og öllum mætti.
Séra Pétur kvæntist 9. sept. 1941 Unni Guðjónsdóttur frá
Tóarseli í Breiðdal, ágætri konu, er studdi hann vel og trúlega
í starfi. Kirkjuritið vottar henni þökk og innilega hluttekningu
öllum ástvinum hans.
ÁsMUNDUR GuÐMUNDSSON.