Kirkjuritið - 01.12.1956, Blaðsíða 50

488
KIRKJUBITIÐ
Beztu predikarar skrifa venjulega ræður sínar orði til orðs,.
en líta sem minnst á handritið meðan þeir flytja predikunina. Ef
tími vinnst ekki til ýtarlegrar hreinritunar, er gott. að hafa með
sér nokkrar spurningar, „punkta“ úr viðfangsefni dagsins.
Taltækni er predikara ákaflega nauðsynleg. Rétt raddbeiting,.
ákveðinn framburður, mátulegur hraði, eðlilegar áherzlur, allt
þetta verður predikarinn að þjálfa með einbeitni og natni ekki
síður en leikarinn. En aðalatriði raddbeitingarinnar er líf og til-
finning, predikarinn verður að vera heill, allur í ræðu sinni, hvert
orð yljað af hans eigin hjartablóði, þá fyrst er ræðan sönn, heil-
steyptur boðskapur Drottins.
Tómahljóð í predikun, útfararræðu eða nokkru, sem prestur
á að segja, er dauðadómur yfir árangri af starfi hans. Predikar-
inn verður að gefa sér tíma til að rita ræðu sína, hugsa hana, læra
hana, en um fram allt að lifa hana, innlífun efnis og anda ræð-
unnar er aðalatriði og getur komið í staðinn fyrir allt liitt. Þess
vegna veitist nokkrum sú náð að flytja sínar beztu ræður óskrif-
aðar og að því er virðist óundirbúnir, en þeir hafa óbeinlínis
varið öllu lífi sínu til undirbúnings slíkri predikun.
En bezti undirbúningurinn er bæn, bæn, sem birtist sem áköf
leit að sannleikanum og réttlætinu, sem síðan sé borið fram 1
fegurð og kærleika.
Predikari þarf öllu fremur að vera biðjandi sál. Biðjið við undir-
búning ræðu, biðjið við upphaf hennar, biðjið við endi hennar
og flytjið ræðuna í bænarhug, út frá því sambandi við Guðs
andann heilaga, sem bænarástand eitt getur veitt. Biðjið um
hin réttu rök, sem verki bæði á vitsmuni, tilfinningu og vilja
áheyrenda. Biðjið um opna hugi og heit hjörtu sóknarbarna.
Biðjið um þann kraft andans, sem sáir orði Guðs í sálir þeirra
og gefur því vaxandi mátt við vorsól hins eilífa. Gangið svo að
störfum, þrátt fyrir allar hindranir og efasemdir, tómlæti og
kæruleysi, sem á vegum predikarans verður, í þeirri trú, að það
er Guð, sem ávöxtinn gefur, ef verkamanninn skortir ekki heil-
indi, trúmennsku og dug, ef hann notar hverja stund í nafni Jesu
Krists til uppbyggingar ríki hans.
Árelíus Níelsson.