Kirkjuritið - 01.12.1956, Qupperneq 40

478
KIRKJURITIÐ
sem séra Vigfús Ingvar Sigurðsson hefir þjónað með heiðri og
sæmd í 44 ár. Er það nú hæsti embættisaldur þjónandi prests á
íslandi. Fyrri daginn voru þeir biskup í Húsavíkurkirkju, sem er
einhver minnsta kirkja á íslandi, en fjallafaðmurinn umhverfis
mjög stórfenglegur og svipmikill. Kirkjan er snotur, en fátæk að
munum. Seinni daginn vísiteraði biskup Bakkagerðiskirkju. Er
hún vistleg og á marga ágæta muni, hafa einkum konur gefið.
Formaður sóknarnefndar er prestsfrúin.
Hinn 30. ágúst vísiteraði biskup báðar kirkjurnar í Valþjófs-
staðarprestakalli, Valþjófsstaðar og Áss, er séra Marinó Krist-
insson þjónar. Valþjófsstaðarkirkja var afhent söfnuðinum til
umsjónar og ábyrgðar í ársbyrjun 1955. Jafnframt var greitt á
hana 75.000 kr. álag. Er nú hafinn fyrsti undurbúningur undir
byggingu nýrrar kirkju úr steinsteypu og tekið að safna gjafa-
dagsverkum. Ásskirkja var einnig afhent söfnuðinum þennan dag,
og verður greitt álag á hana samkvæmt ósk hans, 70,000 kr.
Henni voru afhentir að gjöf í guðsþjónustunni tveir fagrir silfur-
stjakar til minningar um hjónin í Skógargerði, Helga Indriðason
og Ólöfu Helgadóttur. Gáfu börn þeirra.
Næsta dag vísiteraði biskup Kirkjubæjarkirkju í Hróarstungu.
Hún er nú 105 ára gömul og mjög stæðileg enn, enda vel til henn-
ar vandað í upphafi. Hátíðarguðsþjónusta fór fram á aldaraf-
mæli hennar, og gaf Kvenfélag Tungnahrepps þá kirkjunni skírn-
arskál, er Ríkharður Jónsson myndhöggvari skar.
Hinn 1. september voru Sleðbrjóts og Hofteigs kirkjur vísi-
teraðar. Sleðbrjótskirkja er ung eins og Sleðbrjótssókn. Réðust
fjórir bændur í Jökulsárhlíð fyrstir til þess að reisa hana, sökum
mikilla örðugleika á Jiví að sækja kirkju yfir Jökulsá til Kirkju-
bæjar. Kirkjan er reist úr steinsteypu og söfnuðinum fámenna
til sóma. Hofteigskirkja nýtur sérstakrar umhirðu húsfrúnna að
Hvanná, Lilju Magnúsdóttur og Kristjönu Guðmundsdóttur, og
hefir Kirkjuritið áður skýrt frá fögru starfi Jieirra. Meðal eigna
kirkjunnar er Guðbrandsbiblía.
Daginn eftir, sem var sunnudagur, vísiteraði biskup kirkjurnar
að Eiríksstöðum á Jökuldal og Möðrudal á Fjöllum. Eiríksstaðar-
kirkja er safnaðarkirkja, reist í stað Brúarkirkju 1913. Hefir söfn-