Kirkjuritið - 01.02.1959, Blaðsíða 14
60
KIRKJURITIÐ
öllum kynþáttum og tungum blandar þar geði saman og býr
sig undir stríðið, sem kirkjan hlýtur að heyja við veraldar-
hyggjuna, les Biblíuna og biðst fyrir til þess að geta fundið
raunverulega lausn á vandamálunum.
Kirknanefndin, sem fjallar um alþjóðamál, leitast við að
vekja athygli á alþjóðlegum vandamálum kristinna manna og
stinga upp á leiðum til þess að ráða fram úr þeim. Hún leit-
ast einnig við að koma augu á og lýsa yfir kristnum meginregl-
um, sem miða að því að efla skyldleika þjóðanna innbyrðis.
„Samstarf karla og kvenna að kirkjumálum og félagsmálum“
þróast einnig. Að því vinnur sérstök deild.
Leikmenn rannsaka, hvaða stefna sé vænlegust í leikmanna-
starfi í kirkjunum um heim allan og hver skuli vera þáttur
leikmanna í kirkjunum og boðskapur þeirra til þjóðfélagsins.
Æskumenn frá ýmsum þjóðum, kynþáttum og kirkjudeild-
um koma saman á hverju sumri til þjónustu við kirkjuna og
til þess að auka skilning á auðlegð kristins samfélags. Starf
þetta hófst fyrir 11 árum. Síðan hafa yfir 7000 ungmenni af
57 þjóðum tekið þátt í því í 260 sumarbúðum.
Ekumeniska hreyfingin og Alkirkjuráðið.
í Nýja testamentinu er orðið „oikoumene" haft um heims-
byggðina eða mannkynið, og því er nú lýsingarorðið „ekúmen-
iskur“ notað um hreyfinguna nýju, sem miðar að samstarfi og
einingu kirknadeildanna og kristninnar yfirleitt. Það er haft
um gervalla kirkjuna í öllum heiminum, þ. e. felur í sér alla
kristna menn og allar kirkjur, hvar sem eru. Það á við um
tilraunir þær, sem gjörðar hafa verið til þess að auka einingu
með dreifðum meðlimum kristinnar kirkju, breiða út kristni-
boð og dýpka skilninginn á því, hvað það sé í raun og veru
að vera kristinn maður.
Það verður að játa, að ekki er unnt að útskýra til fullnustu
orðið „ekúmeniskur“. Hreyfingin, sem vér nefnum „ekúmen-
iska“, er sífellt að vaxa og breiðast út. Upphaflega var einkum
miðað við samstarfið með kristniboðunum. Nú er hugtakið orð-
ið rýmra, svo að það felur í sér kristilegan þjóðfélagsvitnisburð
og vandaspurningar um einingu kristinna manna um trú og
skipulag.
Prestsembætti fyrir stríðsfanga og aðra herþjónustu hafa