Kirkjuritið - 01.02.1959, Blaðsíða 6
52
KIRKJURITIÐ
félagið hefir sett sér, sem er það, að vera málsvari hinn-
ar íslenzku prestastéttar, efla hag og sóma hennar innávið
og útávið og glæða áhuga presta á öllu því, er að starfi
þeirra lýtur og samvinnu þeirra í andlegum málum þjóð-
arinnar." Það vill vera sem allra flestum af þeim, er við
kristindóms- og kirkjumál fást eða um þau mál hugsa, til
einhverrar hjálpar — vill leitast við að efla áhuga manna
og skilning á þeim málum.“ Þannig er stefnan mörkuð
í upphafi.
Fyrsta ritið var 154 bls. í Skírnisbroti. Því var ætlað
að koma út einu sinni á ári, svo sem og varð.
Óhætt mun að fullyrða, að Prestafélagsritið var prýði-
legt ársrit og félaginu til mesta sóma, flutti veigamiklar
ritgerðir um guðfræði, kirkjusögu, kristilegt starf og
menningarmál margs konar, svo og minningargreinar um
mæta leiðtoga. En er tímar liðu, komu fram raddir um
það, að þörf væri ennfremur á öðru málgagni, blaði, sem
kæmi út oft á ári. — Og því varð það að ráði, að árið
1933 var byrjað að gefa út Kirkjublað, sem út kom 2svar
í mánuði. En ekki stóð sú útgáfa lengi — aðeins rúmlega
eitt ár. Þá var sú breyting ger, að sameina Prestafélags-
ritið og Kirkjublað — gefa út nýtt rit í stað hvors-
tveggja, Kirkjuritið, sem síðan hefir komið út í 10 heftum
á ári — eða frá ársbyrjun 1935. Það er málgagn íslenzku
kirkjunnar í dag.
Rétt er að geta þess í þessu sambandi, að Sigurgeir
Sigurðsson biskup gaf í mörg ár út blað — Kirkjublaðið
—, en sú útgáfa féll niður við lát hans. Hafði hann ávallt
haft náið samstarf við Prestafélagið og studdi það á allan
hátt af sínum alkunna áhuga, m. a. útgáfustarf þess.
En Prestafélagið hefir einnig haft með höndum aðra
útgáfustarfsemi, sem ekki má þegja um. Hún hófst með
því, að gefið var út smáritið Evangelisk viðhorf eftir séra
Árna Sigurðsson fríkirkjuprest árið 1925. Næsta ár komu
100 hugvekjur eftir íslenzka presta — þá bókin Heimilis-
guðrækni, er báðar seldust upp á skömmum tíma. Nokkru