Kirkjuritið - 01.03.1959, Blaðsíða 14

K.F.U.M. og K. 60 ára.
Um áramótin voru hátíðlegar
samkomur í K.F.U.M. í Reykjavík,
því að 2. janúar átti félagið sex-
tugsafmæli. Þá hugsaði ég um must-
arðskornið, sem er hverju sáðkorni
smærra, en þegar það er sprottið,
verður það að tré, svo að fuglar
himinsins koma og hreiðra sig i
greinum þess. Þannig lýsir frelsar-
inn lífinu í guðsríki.
Ég man þá daga, er K.F.U.M. hóf
starf sitt hér í bæ. Þá var must-
arðskorninu sáð. K.F.U.M. var
stofnað 2. janúar 1899, og K.F.U.K.
verður sextugt 29. apríl næstkom-
andi.
Frækornið hefir frjóvgazt og þroskazt. Saga félagsins er
fagur kapítuli í kirkjusögu þjóðar vorrar.
Hvernig var byrjunin? Friðrik Friðriksson var við nám í
Kaupmannahöfn. Komst hann í kynni við Olfert Ricard, hinn
glæsilega æskulýðsleiðtoga, og dáðist að starfi hans meðal
drengjanna. Frá þeirri stundu til þessa dags hefir Fr. Fr. ver-
ið sístarfandi meðal æskulýðsins. Hann getur með sanni sagt:
,,Ég gjörðist eigi óhlýðinn hinni himnesku vitrun.“
Sumarið 1895 skrifar Fr. Fr., er hann lýsir kristnu æsku-
lýðsstarfi, og þáverandi lektor Þórhallur Bjamarson birtir
orð hans í Kirkjublaðinu:
„Guð gefi, að þessi hreyfing nái góðum framgangi og yrði
til að vekja marga af uppvaxandi frjóöngum þjóðar minnar
til lifandi persónulegs trúarlífs og gróðursetja þá djúpt í sam-
félaginu við frelsara vorn og Drottin.
Séra Bjarni Jónsson