Kirkjuritið - 01.04.1960, Blaðsíða 47

KIRKJURITIÐ 189
en rak mig þá í klefaþilið. Ég glaðvaknaði og skalf allur og
fitraði af geðshræringu.
I apríl var það formlega tilkynnt, að hann væri látinn. Ég
fékk þessa frétt í Lundúnum. Þessa nótt átti ég að fara með
járnbrautarlest til einnar af stöðvum árásarflughersins. Ég
sat í klefa mínum, er allt í einu var drepið á dyrnar. Þegar ég
lauk upp, kom inn roskinn prestur í herdeild Eisenhowers.
Hann hét séra Tiernan. „Ég ætla að biðja fyrir ykkur við árdeg-
isguðsþjónustuna í fyrramálið,“ sagði hann hóglátlega. „Fyrir
konu hans, syni og móður.“ Eftir andartaksþögn bætti hann
við: „Látið það vera yður huggun að minnast þess, að Guð
sjálfur gaf sinn son.“ Því næst gekk hann hljóðlega út.
Næstu vikur fengum við ýmislegt að heyra um það, sem gerzt
hafði. Snemma morguns 3. febrúar, löngu fyrir dögun, hafði
herflutningaskipið Dorchester orðið fyrir tundurskeyti um 180
kílómetra undan strönd Grænlands. Það sökk á 25 mínútum,
°g af þeim 904 mönnum, sem á skipinu voru, var aðeins hægt
að bjarga 226. Fjórir prestar frá mismunandi trúflokkum stóðu
hlið við hlið á þilfarinu og báðust fyrir á meðan skipið var að
sökkva. Það var Gyðingapresturinn Alexander Godda, séra
John Washington frá rómversk-katólsku kirkjunni, og tveir
oiótmælendaprestar, Georg Fox og Clark Poling. Þeir héldust
í hendur og studdust upp við borðstokkinn, en úthafsöldurnar
flæddu yfir þilfarið. Þarna stóðu þeir og unnu sína síðustu og
heilögu prestsþjónustu af fullkominni óeigingirni. Fregnin um
þessa hetjudáð flaug eins og eldur í sinu um allan heim og
vakti hvarvetna hrifningu og aðdáun meðal milljóna manna.
Þegar ég hélt aftur til Ameríku, fékk ég tækifæri til að tala
við einn af þeim, sem bjargaðist. Það var vélstjórinn Grady,
Sem hafði staðið nokkra metra frá hinum fjórum prestum.
Hann sagði, að mikil skelfing og upplausn hefði náð tökum á
skipverjum, þegar það varð ljóst, að tundurskeyti hafði hitt
skipið. En prestarnir reyndu að sefa mennina, sem æddu aftur
°S fram um skipið, og sumum þeirra hjálpuðu þeir til að kom-
ast í björgunarbátana. En aðeins tveir björgunarbátar komust
frá skipinu. Hinir brotnuðu við skipshliðina. Grady hafði séð
Prestana hjálpa öðrum til að komast í björgunarvestin, og hann
hafði séð þá gefa öðrum sín eigin vesti. Þeir höfðu gert allt,
sem * þeirra valdi stóð, til að bjarga öðrum.