Kirkjuritið - 01.05.1960, Side 30

220
KIKKJURITIÐ
að mjög mikið framfaraspor verður það, er allar prótestant-
iskar kirkjur í Kanada ganga í eitt allsherjar kirkjufélag, og
það verður þeim öllum ávinningur. Því að í trúarkenningum,
sem mestu máli skipta, eru þær allar yfirleitt eitt. — Menn
semja ekki lengur stuttar trúarjátningar eins og á fyrstu öld-
um kristninnar. En kirkjudeildirnar í Kanada hafa þó samið
hver fyrir sig í skipulegu og stuttu máli greinargerð um trúar-
viðhorf sitt. Og vísast gætu þær allar sameinazt um svipaða
greinargerð og þá, sem vinur minn og námsfélagi við háskól-
ann í British Columbia kom mér í hendur. Upphaf hennar er
efnislega á þessa leið, í játningarformi: Vér trúum á Guð hinn
eilífa, persónulega anda, skapara og viðhaldara allra hluta til-
verunnar. Vér trúum, að Guð sem alvaldur Drottinn hafinn
ofar heiminum stjórni og stýri öllu, sem til er, svo að það
framkvæmi hans alvitra og algóða vilja. Vér trúum, að Guð
hafi skapað manninn til þess að elska sig og þjóna sér, að hann
annist um hann sem réttlátur og miskunnsamur faðir, og að
ekkert geti hvorki slökkt elsku hans né komið í veg fyrir, að
hans náðarríki vilji um manninn fái að lokum fullan sigur.
Þannig játum vér Guð sem skapara og alvaldan Drottin alls,
sem er til og réttlátan elskandi fööur mannanna.
Vér trúum á Jesúm Krist, son föðurins, sem fyrir oss menn-
ina og oss til frelsunar varð maður og dvaldist á meðal vor.
Vér trúum, að hann hafi lifað fullkomnu mannlegu lífi, alger-
lega tileinkuðu vilja Guðs og þjónustu við mennina. Vér trúum,
að í honum standi Guð augliti til auglitis við mennina, svo að
þeir geti komizt að raun um, að Guð elskar þá, leitar hins góða
þeim til handa, ber sorgir þeirra og syndir og krefur af þeim
algert traust og fullkomna hlýðni. Vér trúum, að í Jesú Kristi
hafi Guð starfað til að frelsa mennina og tekið á sig þá óum-
ræðilegu fórn, sem var óumflýjanleg sökum syndar mannanna,
að krossinn opinberi samtímis Guðs viðbjóð á syndinni og frels-
andi elsku hans í hæð og dýpt og almætti, og að krossinn se
fyrir alla tíma vegurinn, sem friðþægir heiminn við Guð. Ver
trúum, að Jesús hafi verið reistur sigrandi yfir dauðann og
auglýstur að vera sonur Guðs með almættiskrafti, og að hann
lifi að eilífu og sé frelsari vor og Drottinn. Þannig játum
vér Krist Jesúm sem son Guðs, er hefur klæðzt holdi á jörðu
og er frelsari heimsins.