Kirkjuritið - 01.12.1975, Blaðsíða 20

Ole Hallesby, prófessor.
Jónas til varnar, því að honum ofbauð
sú ómenning, aö tekið skyldi með
slíku ofstæki og látum á móti erlend-
um gestum.
i hópi hinna norsku stúdenta voru
menn, er síðar hafa komið mjög við
sögu í kristnilífi í Noregi og raunar
víðar. Má þar til nefna dr. Bjarne
Hareide, er komið hefur nokkrum
sinnum hingað til lands síðar og á hér
marga vini. Stúdentarnir stöldruðu hér
nokkru lengur en Hallesby, prófessor,
héldu samkomur og fóru víða með ís-
lenzkum félögum sínum.
Um áhrifin af heimsókn þessari hefur
fátt verið ritað og rætt, en þau munu
hafa orðið drýgri en margan grunar.
Mótið 1950
Kristilegt stúdentafélag var stofnað
sumarið 1936, og voru stofnendur að-
eins fjórir. Jóhann Hannesson, er þá
var kominn heim til að Ijúka hér em-
bættisprófi í guðfræði, varð fyrstur
formaður þess. Það var framan af fá-
mennt og smátt í sniðum, en árið 1950
var því svo vaxinn fiskur um hrygg, að
ráðizt var í að halda norrænt stúdenta-
mót á íslandi. Komu hinir erlendu þátt-
takendur með skipi til landsins og
bjuggu í því, á meðan mótið stóð. Þeir
voru um 230. Hallesby var þá meðal
ræðumanna, og var þá svo um skipt
hér heima, að svo virtist sem flestum
þætti mikið til hans koma. Fleiri kunnir
ræðumenn komu og frá Norðurlönd-
um. Þeirra á meðal voru Ragnvald
Indrebö, biskup, frá Bergen, og dr.
Martti Simojoki, prófessor, frá Finn-
landi, nú erkibiskup þar í landi.
Virðulegastir íslenzkra ræðumanna
voru þeir síra Friðrik Friðriksson og
síra Bjarni Jónsson, vígslubiskup, en
síra Jóhann Hlíðar stjórnaði mótinu.
Sira Bjarni Jónsson, vígslubiskup.
258