Eimreiðin - 01.07.1925, Side 61

Syngdu sumarkvæði.
Syngdu sumarkvæði
um sólaryl og gæði.
Þó að dynji hret og hríð,
hulin séu blómin fríð,
syngdu sumarkvæði,
Lærðu harma að hylja,
hafðu þol og vilja.
Þó að blæði bitur sár,
brosin láttu dylja tár,
lærðu harma að hylja.
Leiddu ljós og gleði
með léttu, hlýju geði
inn í hug og hjarta manns;
hvar sem ert í návist hans
leiddu ljós og gleði.
Halla Loftsdóttir.
Stökur.
Þó að vonin lúti lágt
og lukku hrökkvi strengur,
skal ég bera höfuð hátt,
hvað sem að mér gengur.
Þó mig stundum mæði margt
og myrkur víða finni,
þá er altaf eitthvað bjart
inst í sálu minni..
Halla Loftsdóttir.