Tímarit lögfræðinga - 01.12.1952, Blaðsíða 34

218
Timarit lögfrœSinga
„Þegar litið er til þess, að norski konungsúrskurðurinn
frá 12. júlí 1935 brýtur ekki í bág við alþjóðalög, sem Nor-
egur er bundinn af, og þess er gætt, að Noregur hef-
ur að minnsta kosti sögulegan rétt til allra sjávar-
svæða innan þeirra marka, sem nefndur úrskurður kveður
á um, þá er þess beiðzt, að dómstóllinn hafni með einum og
sama dómi öllum andstæðum kröfum og kveði á um, að sú
afmörkun fiskveiðasvæðisins, sem gerð var með norska
konungsúrskurðinum frá 12. júlí 1935, fari ekki í bág við
alþjóðalög."
Munnlegum flutningi málsins, sem hófst 25. september
1951, lauk rúmum mánuði síðar, 29. október, og hafði þá
sókn og vörn í málinu tekið alls 24 daga.
Dómsniðurstaöan.
Dómur í málinu var kveðinn upp 18. desember 1951. Af
15 föstum dómendum tóku aðeins 12 þátt í dómsuppkvaðn-
ingunni. Einn hinna föstu dómenda var þá látinn fyrir
nokkru og tveir höfðu forfallazt. Eftirtaldir dómendur tóku
þátt í dómsuppkvaðningunni: Franski lögfræðingurinn
Jules Basdevant, forseti dómsins, Alvarez frá Chile, Bad-
awi Pasja frá Egyptalandi, Guerrero frá E1 Salvador,
Haclrworth frá Bandaríkjunum, Hsu Mo frá Kína, Klæstad
frá Noregi, Sir Arnold McNair frá Bretlandi, J. E. Read
frá Kanada, de Visscher frá Belgíu, Winiarski frá Póllandi
og Zoricic frá Júgóslavíu.
Þessi upptalning ber með sér, hversu fjölbreytt skipan
dómstólsins er, þar sem dómendur eru frá stórum ríkjum og
smáum og af ýmsum kynþáttum. Dómendur eru kjörnir til
níu ára í senn, og er heimilt að endurkjósa þá að loknu
kjörtímabili þeirra.
1 stofnskrá dómstólsins er leitazt við að gera dómend-
urna sem óháðasta því ríki, sem þeir eru frá, enda eru þeir
ekki valdir með hliðsjón af þjóðerni, heldur fyrst og fremst
sakir mannkosta, réttsýni og lögfræðilegi'ar þekkingar, sbr.
2. gr. stofnskrárinnar. Það hefur jafnvel komið fyrir, að