Tímarit lögfræðinga - 01.12.1952, Side 40

224
Tímarit lögfrœöinga
Dómaramir Sir Arnold McNair og E. J. Read skiluðu sér-
atkvæðum, sem voru samhljóða að efni í meginatriðum.
Þeir tóku málið mjög svipuðum tökum í röksemdafærslu
sinni og komust að algjörlega sömu niðurstöðu, sem sé
þeirri, að afmörkun norsku landhelginnar væri ekki í sam-
ræmi við alþjóðalög. Að vonum héldu þeir fram brezkum
sjónarmiðum, t. d. voru þeir sammála um, að við afmörkun
landhelginnar yrði grunnlína hennar að fylgja stefnu
strandarinnar, og taldi Read fjöruborðsregluna gildandi
reglu alþjóðaréttar. Read víkur nokkrum orðum að þriggja
mílna landhelgisvíðáttunni, en treystist þó ekki til að telja
hana alþjóðareglu. Honum farast svo orð: „Það var auð-
stigið spor frá skothelginni til 3 mílna takmarksins, þ. e.
landhelgisbeltis, sem er 1 vika sjávar á breidd, þar sem
strandríkið hafði eitt umráðarétt og hernaðaraðgerðir er-
lendra þjóða voru bannaðar. Nokkur ríki hafa krafizt
breiðari belta eða víðáttumeiri svæða; en um langan aldur
hefur enginn dregið í efa rétt hvers strandríkis til að til-
einka sér yfirráðarétt yfir landhelgisbelti, sem mælt er frá
ströndum þess.“
McNair víkur einnig á nokkrum stöðum að þriggja sjó-
mílnareglunni og bendir á dómsúrskurði og milliríkjasamn-
inga, þar sem þeirri reglu er fylgt, en ekkert þeirra at-
riða, er hann vitnar til, hafa úrslitaþýðingu um það, hvort
sú kenning sé alþjóðleg regla, enda heldur hann henni ekki
fram sjálfur sem alþjóðlegri reglu.
Á einum stað kemst hann svo að orði: „Hvað þýðir að
tala um þriggja eða fjögurra sjómílna landhelgi, ef ríki er
það frjálst að afmarka landhelgi, sem er þriggja eða fjögra
sjómílna breið við grunnlínupunktana, en varla nokkurs
staðar annars. Hvað þýðir að segja, að landhelgin skuli
reiknuð frá fjörumáli, þegar það er gert við 48 grunnlínu-
punkta og varla nokkurs staðar annars.“ Þá bendir hann á
að sumsstaðar sé landhelgislínan meira en 20 sjómílum ut-
an þverlínu (lokunarlínu) fjarða. Mun þar átt við 10 sjó-
mílna þverlínu.
Þá víkur hann að því atriði, að af hálfu málsvara Noregs