Tímarit lögfræðinga - 01.01.1954, Side 33

er ekkert markmið í sjálfu sér. Einstakir þættir ríkis-
valdsins eru ekki andstæður, heldur greinar á sama meiði.
Kenningin um þrígreiningu ríkisvaldsins varð til við tals-
vert aðrar þjóðfélagsaðstæður en nú eru. 1 nútíma þjóð-
félagi sýnist æskilegt eða jafnvel óhjákvæmilegt, að þjóð-
þing og ríkisstjórn vinni saman með margvíslegum hætti.
Kennisetning, þótt góð sé, á ekki að standa í vegi fyrir
slíkri samvinnu. Kenningunni um greiningu ríkisvaldsins
verður því ekki teflt fram gegn þingkjörnum stjórnar-
nefndum, þar sem aðild þeirra að stjórnsýslu þykir hall-
kvæm eða er í samræmi við hefðbundið valdsvið alþingis.
Því verður ekki neitað, að þingkjörnar stjórnarnefndir
hafa galia. Samt tel ég þær, eins og áður hefur verið sagt,
geta verið eðlilegar innan vissra marka. Varðar miklu, að
alþingi kunni sér hóf í þeim efnum.
Læt ég svo lokið máli mínu.
•o