Tímarit lögfræðinga - 01.01.1954, Síða 50

um fyrstu ævimánuðina, og svo fyrstu 5—6 árin, og síðan
skólaárin. Þegar um fullorðið fólk er að ræða, er þetta
venjulega langerfiðast og oft nærri ógerlegt, svo að oftast
fæst ekki nema iauslegt yfirlit um þetta. En á þessum
mánuðum og fyrstu árum ævinnar mótast grundvöllur til-
finninga- og viljalífsins. Engin glöp barna og unglinga
verða skilin án þess, að þessi æviskeið séu afar ítarlega
rannsökuð í hverju einstöku tilfelli. Að ráðstafa „afbrota-
barni“ eða ungling af heimil foreldra án þess, að þetta sé
gert af hinu allra hæfasta fólki, ætti að varða þungri refs-
ingu. Oft reynir mjög á þolinmæði og takt læknisins að fá
upplýsingar. Margir þegja um veigamikil atriði.
Það skiptir oft meginmáli, einkum með upplýsingar frá
aðila sjálfum, að fá þær aS óspurSu og festa þær á blað
orSréttar, eins og þær eru sagðar, og svo að öðru leyti að
syyrja eklci þannig, að manninum eða aðstandanda sé gefið
svarið í spurningunni. Langbezt er auðvitað að taka allt
viðtalið við manninn sjálfan og fólkið á falið segulband.
Ég hefi verið þetta langorður um þessa hlið geðrann-
sóknarinnar, af því að mér hefur fundizt að því meir, sem
ég hefi fengizt við þessar rannsóknir, þá hafi ég sann-
færzt um, að hún skiptir meginmáli og er miklu vanda-
samari en athugun á þverskurðinum á huga mannsins, þ. e.
status præsens. En einnig af því, að flestar geðheilbrigði-
rannsóknir, sem ég..hefi framkvæmt, eru að þessu leyti
allfrábrugðnar því, sem er á mörgum stöðum, er ég þekki
til.
Sálarlíf birtist út á við í hegSun manns, þ. e. a. s. í við-
bragði hreyfitauganna í víðasta skilningi. Það setur því
svip sinn á mann — ekki aðeins andlit, heldur alla fram-
komu, líkamsburð, göngulag, málfæri, handartak, íúthönd
og yfirleitt allar athafnir. En eins og kunnugt er getur og
allt þetta verkað til baka á sálarlíf manns (þ. e. a. s. ,,feed-
back mechanism").
Við skynjum sálarlíf annars manns sumpart fyrir ósjálf-
ráðar eftirhermur, sumpart máske fyrír rafspennubreyt-
44