Tímarit lögfræðinga - 01.12.1982, Blaðsíða 4

rétti, á félagaskrá, enda séu þeir ekki vegna lagaákvæða eða á annan hátt
hindraðir í að stunda málflutningsstörf. Allir þeir, sem á félagaskrá eru,
verða krafðir um félagsgjald nema þeir hafi deponerað leyfum sínum.
í hinum nýju húsakynnum félagsins hefur verið farið af stað með námskeið
fyrir lögmenn. Ef vel tekst til í vetur, verður reynt að koma þessari starfsemi í
fast form og halda reglulega námstefnur, þar sem lögmönnum gefst kostur á
að blása rykið af fræðum sínum og endurmennta sig undir leiðsögn góðra
manna. Ekki ber að skilja þessi orð þannig, að ég telji lögmenn illa mennt-
aða, síður en svo; hins vegar þurfa lögmenn sífellt að vera vel vakandi og
halda þekkingu sinni við. I þessu sambandi er rétt að benda á þá staðreynd,
að lítið kemur frá lögmönnum af greinum um lögfræðileg málefni. Ef til
vill er þetta skiljanlegt, þar sem lögmannsstarfið er mjög erilsamt og sjaldan
gefst tækifæri til fræðilegra starfa. Þetta er miður. Ég þykist þess fullviss,
að mikinn fróðleik sé að finna í fórum lögmanna, sem á langri ævi hafa
safnað í sarpinn og haldið til haga athugunum sínum á einstökum afmörk-
uðum efnum. Mikill fengur væri að því, að lögmenn létu meira frá sér heyra
og skrifuðu stuttar greinar um afmörkuð efni. Slík innlegg eiga sannan-
lega rétt á sér. Ég vil nota þetta tækifæri til að hvetja lögmenn til þess að
senda frá sér til birtingar greinar um lögfræðileg efni.
Jóhann H. Níelsson.
174