Tímarit lögfræðinga - 01.12.1982, Síða 45

Dómsmálaráðuneyti greiði annan kostnað við verkið, svo sem laun
ritstjóra og annarra starfsmanna, þ.á m. vélritara.
VI. Forstöðumaður Lagastofnunar staðfesti alla reikninga fyrir verk, sem
unnin eru í umsjá stofnunarinnar.
VII. Lagastofnun fái endurgjaldslaust 25 eintök af lagasafninu í þeim búningi,
sem það ber á almennum markaði.
Voru þessar tillögur sendar ráðuneytinu i bréfi 20. mars 1981.
Á almennum fundi í Lagastofnun 25. september 1981 var forstöðumanni
falið að fara þess á leit við Dómsmálaráðuneytið að það tæki formlega af-
stöðu til tillagnanna í bréfinu 20. mars. Á þessum sama fundi var einnig sam-
þykkt að kjósa ritnefnd og hlutu þessir kosningu:
Ármann Snævarr hæstaréttardómari, formaður
Björn Friðfinnsson, fjármálastjóri Reykjavíkurborgar
Sigurður Líndal, prófessor.
Ritstjóri lagasafns var kosinn Björn Þ. Guðmundsson, prófessor.
Þá hafði vinna þegar verið hafin við lagfæringu texta undir umsjón for-
stöðumanns Lagastofnunar og unnu við það laganemarnir Andri Árnason og
Gylfi Gautur Pétursson.
Með bréfi Dómsmálaráðuneytisins dags. 3. nóvember 1981 var sú tilhögun
samþykkt, sem lýst hafði verið í bréfi Lagastofnunar 20. mars 1981. Var
Ólafi W. Stefánssyni, skrifstofustjóra, falið að hafa umsjá með þeim þáttum,
sem ráðuneytið skyldi fjalla um. Áhersla var lögð á, að verkinu yrði hraðað
svo sem verða mætti, enda myndi ráðuneytið beita sér fyrir því, að full-
nægjandi fjárveiting yrði veitt til þess.
Til viðbótar þeim sem þegar voru nefndir hefur Lára Júlíusdóttir, lög-
fræðingur verið ráðin til starfa við safnið.
Ritnefndin hefur aðstoðað við undirbúning útboðs á verkinu og samnings-
gerð. Hefur Björn Friðfinnsson einkum haft af því veg og vanda. Þá hefur
hún rætt ýmisleg atriði um skipulag og aðra útgerð safnsins og hefur rit-
stjórinn Björn Þ. Guðmundsson einkum haft frumkvæði í þeim efnum. Má
þess fastlega vænta að senn sjái fyrir endann á þessum undirbúningsstörfum
og útgáfan komist á fullt skrið.1)
Fjármál:
Gjöld Lagastofnunar 1981 voru kr. 27.321.—. Til ráðstöfunar voru kr.
44.220.—.
Sigurður Líndal.
1) Birni Þ. Guðmundssyni var veitt lausn frá ritstjórnarstörfum við lagasafnið 31. mars 1982 að
eigin ósk. i hans stað var Ragnhildur Helgadóttir lögfræðingur ráðin ritstjóri og hefur
gegnt því starfi síðan.
Þá hefur Lára Júlíusdóttir horfið til annarra starfa.
215