Tímarit lögfræðinga - 01.12.1995, Síða 40

Stefán Már Stefánsson er prófessor
við lagadeild Háskóla Islands
Stefán Már Stefánsson:
UM SÉRFRÓÐA MEÐDÓMSMENN1
1. LAGAHEIMILDIR
Ákvæði 2. mgr. 2. gr. laga um meðferð einkamála í héraði nr. 91/1991 tekur
til sérfróðra meðdómsmanna2 og hljóðar svo:
Ef deilt er um staðreyndir sem eru bornar fram sem málsástæður og dómari telur þurfa
sérkunnáttu í dómi til að leysa úr getur hann kvatt til tvo meðdómsmenn sem hafa
slíka sérkunnáttu.
Samkvæmt 3. mgr. 4. gr. sömu laga skulu meðdómsmenn taka þátt í máls-
meðferð og dómsuppsögu og hafa sömu réttindi og bera sömu skyldur og dóms-
formaður í því máli. Dómsformaður stýrir þó dómi og kveður einn upp úrskurði
um annað en frávísun máls. Dómsformaður ákveður þóknun til sérfróðra
meðdómsmanna. Ekki er tilefni til að vfkja sérstaklega að ákvæði 5. gr. laga um
meðferð opinberra mála nr. 19/1991 sem hefur í raun að geyma sambærileg
ákvæði og nú voru nefnd.
2. ÁLITAEFNI VARÐANDI SÉRFRÓÐA MEÐDÓMSMENN
Þau álitaefni sem varða sérfróða meðdómsmenn eru mörg. Þau verða hvorki
talin upp hér né reifuð en aðeins vikið að nokkrum þeirra.
1 Grein þessi er að nokkru leyti byggð á erindi sem höfundur flutti á ráðstefnu Dómarafélags
Islands á Selfossi þann 5. nóvember 1994.
2 I grein þessari verður ekki fjallað um skilyrði þess eða álitamál sem rísa kunna er dómari
kveður til aðra héraðsdómara til setu í dómi eða þegar hann kveður héraðsdómara til setu í
dómi með einum sérfróðum meðdómsmanni.
282