Tímarit lögfræðinga - 01.09.1997, Síða 66

stjórnarskrárinnar við að takmarka vald löggjafans og túlkun dómskerfisins á
ákvæðum hennar. Loks er gerð grein fyrir einstökum greinum stjórnar-
skrárinnar og þróun þeirra.
Mannréttindi í stjórnarskrá - fjögur erindi. Mannréttindaskrifstofa íslands. 1994.
50 bls.
I ritinu Mannréttindi í stjórnarskrá er að finna fjögur erindi sem haldin voru
á fundi um mannréttindi og stjórnarskrá 1. desember 1994. Erindi Guðmundar
Alfreðssonar nefnist Hugleiðingar um mannréttindi í stjórnarskrá; erindi
Vilhjálms Arnasonar nefnist Mannhelgi og mannréttindi; erindi Hjördísar
Hákonardóttur nefnist Mannréttindi - hvað viljum við hafa í VII. kafla
stjórnarskrárinnar? og erindi Þórs Vilhjálmssonar nefnist Mannréttindafundur
1. desember 1994. Aftast í ritinu er að finna VI. og VII. kafla stjórnarskrárinnar,
tillögur stjórnarskrárnefndar um mannréttindaákvæði stjórnarskrárinnar og
frumvarp til stjórnskipunarlaga urn breytingu á mannréttindakafla stjórnar-
skrárinnar.
Páll Hreinsson. Stjórnsýslulögin - skýringarrit. Forsœtisráðuneytið. 1994. 377 bls.
Verð: 2.305 kr.
í ritinu eru helstu þættir stjórnsýslulaga skýrðir. Framsetning ritsins er í
samræmi við venjubundna efnisskipan skýringarrita. Hver lagagrein er tekin
sjálfstætt til umfjöllunar og skýringar. Reifaðir eru helstu dómar og álit
umboðsmanns Alþingis. Ritinu er skipt niður í hluta í samræmi við kafla-
skiptingu stjórnsýslulaganna. I viðauka eru birt helstu lög og reglugerðir sem
tengjast efninu, auk stjórnsýslulaganna í danskri og enskri þýðingu. ítarlegar og
hefðbundnar skrár fylgja. Samhliða útgáfunni voru stjórnsýslulögin ásamt
greinargerð gefin út.
Borgaraleg og stjórnmálaleg réttindi á íslandi - Önnur og þriðja skýrsla íslands
um framkvœmd alþjóðasamnings um borgaraleg og stjórnmálaleg réttindi. Dóms-
og kirkjumálaráðuneytið. 1995. 128 bls. Verð: 570 kr.
I bókinni eru, auk þeirra skýrslna sem gerðar eru í samræmi við ákvæði
alþjóðasamnings Sameinuðu þjóðanna frá 1966 um borgaraleg og stjórnmála-
leg réttindi, að finna athugasemdir alþjóðlegrar nefndar sem starfar samkvæmt
samningnum sem hún skilaði af sér eftir að hafa athugað efni annarrar
skýrslunnar. í bókinni er að finna ítarlega lýsingu á ástandi mannréttindamála
hér á landi með skírskotun til ákvæða samningsins um borgaraleg og stjórn-
málaleg réttindi, hvernig þau eru tryggð í íslenskri löggjöf og hvernig þau
birtast í framkvæmd. Auk þess fylgir í viðauka umræddur alþjóðasamningur.
206