Ægir - 01.06.1999, Page 13

kvótaár. Hér er átt við aflamark en
krókabátar höfðu aftur á móti um
6,4% af heildinni umrætt kvótaár.
Ef aftur er litið til yfirstandandi árs
má sjá að hlutdeildin í aflamarki er
komin niður í 7,23% á meðan að
krókabátarnir halda nokkurn veginn
sínu. Hér munar um 3000 þorskígildis-
tonnum en rétt er að hafa í huga að
skýringar kunna að liggja í niðurskurði
á aflaheimildum í tegundum sem vega
þungt í kvóta höfuðborgarinnar. Til að
mynda hefur kvóti í rækju minnkað og
kemur greinilega fram hjá hinum stóri
rækjuútgerðum í Reykjavík, þ.e. út-
gerðum Péturs Jónssonar RE og Helgu
RE. Þrátt fyrir þetta virðist sem Reykja-
vík láti heldur undan í kvótakapp-
hlaupinu við aðra staði á landinu en
verður samt sem áður að teljast til
stærri útgerðar- og fiskvinnslustaða
landsins.
Smábátaútgerð í Reykjavík:
Um þriðjungur
smábátakarla rær
frá heimahöfninni
Samkvæmt upplýsingum frá Landssambandi smábátaeigenda eru skráðir 135
félagar með búsetu í Reykjavík. Á hinn bóginn rær aðeins um þriðjungur þeirra
frá Reykjavík. Stærstur hlutinn rær frá höfnum á Snæfellsnesi og Vestfjörðum,
svo og frá höfnum á Suðurnesjum. Þeir sem sækja í Faxaflóann eru flestir á línu
og netum en Flóinn hefur aldrei verið öflugt handfæraveiðisvæði. Afli
smábátamanna sem róa frá Reykjavík er fyrst og fremst seldur í gegnum
Faxamarkaðinn.
Túnfiskskipin
eru tíðir gestir
Á síðustu árum hafa japanskir
túnfiskveiðimenn orðið æ tíðari
gestir í Reykjavíkurhöfn, enda virð-
ist sem túnfiskur veiðist syðst í land-
helginni stóran hluta ársins. Tekjur
af japönsku túnfiskveiðiskipunum
eru þó ekki mjög miklar þar sem
skipin hafa aðeins viðdvöl hér en
landa ekki afla sínum.
AGIR
13