Ægir - 01.05.2000, Blaðsíða 17

ÆGISVIÐTALIÐ
Hef áhyggur af framvindu
kjaramálanna
Sem formaður Skipstjóra- og stýrimannafélags Norð-
lendinga kemur Arni að kjarasamningum stéttar
sinnar og hann segir miður hversu mikil stífni og
harka sé hlaupin í samskiptin hvað samningamálin
varðar. Persónulegir árekstrar aðila við samninga-
borðið séu vel merkjanlegir og fyrir alla stífnina gjal-
di greinin.
„Eg óttast að nú horfum við fram á langan aðdrag-
anda að einhverjum hliðstæðum átökum og þeim sem
orðið hafa með reglulegu millibili undanfarin ár. Fari
svo að enn einu sinni verði aðgerðir leystar með lög-
um þá er mælirinn endanlega fullur. Gallinn er hins
vegar sá að launa- og aðstöðumunur sjómanna er
mikill og þess vegna erfitt að mynda samstöðu og það
finna viðsemjendur okkar og nýta sér. Við finnum
líka að útgerðirnar í dag eru reknar í grjóthörðum
bisnessanda í dag og mannlegi þátturinn er þar af
leiðandi á undanhaldi. Það er stöðugt spurt um tekj-
ur, afköst og framlegð og ég held að á þann hátt fær-
ist spennustigið sem hlutabréfamarkaðurinn veldur
hjá sjávarútvegsfyrirtækjunum yfir á herðar skip-
stjóranna," segir Arni Bjarnason.
„Þetta er stærsta gráLúðuhol sem ég hef séð," segir Árni um þessa mynd en hana tók
hann á þeim árum sem hann var skipstjóri á Snæfelli frá Hrísey. Holið var um 40 tonn.
^ G A R Mf
r
R E
Y H '
TRYGGINGA-
MIÐSTÖÐIN HF.
AÐALSTRÆTI 6-8 • 101 REYKJAVÍK
SÍMI 51 5 2000 • www.tmhf.is
17