Ægir - 01.05.2000, Blaðsíða 11

FRÉTTIR
SH fjárfestir erlendis
Sölumiðstöð hraðfrystihúsana fjárfesti
nýlega fyrir 1,6 milljarða króna í þremur
fyrirtækjum á Nýfundnalandi, í Kanada
og á Spáni. Fyrirtækin eru Fishery Prod-
ucts International á Nýfundnalandi,
HighLiner Foods í Nova Scotia og
Pescanova S.A. á Spáni.
Kaupin á fyrirtækinu á Nýfundnalandi
eru langtum stærsti hluti viðskiptanna,
eða sem svarar 1,1 milljarði króna. Mark-
aðsvirði þess er um 7 milljarðar króna en
fyrirtækið skilaði um 500 milljónum ís-
lenskra króna í hagnað í fyrra. Velta þess
var um 7 milljarðar króna í fyrra.
Markaðsvirði HighLiner Foods er um 2
milljarðar íslenskra króna en mark-
aðsvirði Pescanova á Spáni er 8,5 millj-
arðar. SH eignaðist um 5% hlut í hvoru
félagi.
Guggan brann
Hannover, frystitogari þýska fyrirtækis-
ins Deutche Fishfang Union, er töluvert
skemmdur eftir að kviknaði í stjórnklefa
vélarrúms á Grænlandshafi um miðjan
maímánuð. Skipió hét áóur Guðbjörg ÍS
og var einn allra fullkomnasti frystitog-
ari íslenska flotans. Eftir að skipið kom
tiL Reykjavíkur hefur verið unnió að mati
á skemmdum en fyrirséð er að það verð-
ur frá veiðum í töluveróan tima. Þrír ís-
Lendingar voru í áhöfn togarans.
Sjómannadagurínn:
Sjávarútvegsráðherra Færeyja á
„Hátíð hafsins" i Reykjavík
Sjávarútvegsráðherra Færeyja, Jörgen
Niclasen, verður gestur sjómannadagsins
í Reykjavík og mun flytja ávarp á sjó-
mannahátíðinni, sem fram fer á sjó-
mannadaginn, 4. júní. Hátíðarhöldin
verða á Miðbakka og með líku sniði og í
fyrra, þ.e. margt til gamans gert fyrir
unga sem eldri.
Samkvæmt upplýsingum frá skrifstofu
Sjómannadagsráðs í Reykjavík verður há-
tíðin sameiginleg hátíð sjómannadagsins
og Reykjavíkurhafnar. Auk sjávarútvegs-
ráðherra Færeyja, mun Arni Mathiesen,
sjávarútvegsráðherra, flytja ávarp.
Eitt af eftirtektarverðum atriðum á sjó-
mannahátíðinni í Reykjavík verður koma
sýningarflokks frá Irlandi sem kallar sig
„Ship of fools“. Flokkurinn kemur hing-
að á eigin skipi og mun það liggja við
Miðbakkann en sýningar flokksins fara
þar fram. Hér er um að ræða hóp af fólki
sem flytur efni sem tengt er hippaárun-
um og hafa sýningarnar þótt áhrifamikl-
ar, en hópurinn hefur farið víða um Evr-
ópu að undanförnu. Sýningar flokksins
verða öllum opnar.

Sjómannadagurínn
á Akureyri:
Forseti íslands
heiðursgestur
Forseti íslands, hr. Ólafur Ragnar
Grímsson, verður heiðursgestur á sjó-
mannadagshátíðinni á Akureyri þann
4. júní næstkomandi. Ólafur mun
flytja hátíðarræðu og heiðra sjómenn.
Að vanda verða hátíðarhöld á Akur-
eyri með því sniði að á laugardegi fer
fram keppni í róðri, knattspyrnu og
golfi og þá um kvöldið verður stórhá-
tíð í Iþróttahöllinni. Að morgni sjó-
mannadagsins verður tekið á móti
forseta Islands og farið með honum
um borð í togara. Því næst verður for-
setinn við sjómannadagsmessu, legg-
ur blómsveig að minnismerki um
drukknaða sjómenn og flytur síðan
ávarp við hátíðarhöid við höfnina. Að
því loknu mun hann heiðra tvo sjó-
menn, þá Helga Sigfússon, sem lengi
var til sjós á árum áður, og Hörð
Björnsson, skipstjóra á Þórði Jónas-
syni EA, en Hörður er líkast til einn
elsti starfandi skipstjóri landsins.