Dýraverndarinn - 01.12.1972, Blaðsíða 26

Skagafirði hefði verið svo aðþrengdur af hungri vegna
jarðbanns, að hrossin hefðu nagað hár hvers annars.
Aðalfundur S. D. L, 3. des. 1972 felur stjórn sam-
bandsins að afla upplýsinga og gera nauðsynlegar ráð-
stafanir til að hinum seku verði refsað, reynist fréttin
rétt. Stjórn D. R.
Tillagan var felld.
Tillaga nr. 6:
Kaupendatala Dýraverndarans er hryggilega lág.
Aðalfundur S. D. I., 3. des. 1972 felur stjórn sam-
bandsins að athuga sem vandlegast, hvaða leiðir til
útbreiðslu hans kunni að vera vænlegastar.
Stjórn D. R.
Tillagan samþykkt með öllum atkvæðum.
Tillaga nr. 7:
Aðalfundur S. D. I., 3. des. 1972 felur stjórninni
að afla hjá samböndum sínum erlendis upplýsingum
um aðferðir til að eyða villiköttum og fuglum á sem
mannúðlegastan hátt. Stjórn D. R.
Tillagan samþykkt samhljóða.
Tillaga nr. 8:
Aðalfundur S. D. í. haldinn 3. des. 1972 ítrekar fyrri
samþykktir sínar í hælismálinu og sköttun skotvopna
og skotfæra.
Bæði knýja þessi mál á æ fastar um aðgerðir.
Meðan samtökin hafa engan fastan tekjustofn, hlýtur
starfsemi þeirra að vera í molum, hversu mikla vinnu
sem einstakir félagsmenn leggja á sig. — Fundurinn
skorar því á stjórnina og allar félagsdeildir að leggjast
á eitt til að koma frumvarpi um sköttun skotfæra og
skotvopna á vettvang og afla því nauðsynlegs fylgis
til jákvæðrar afgreiðslu á yfirstandandi Alþingi.
Stjórn D. R.
Samþykkt samhljóða.
Tillaga nr. 9: (Tillaga frá Aðalfundi Dýraverndunar-
félags Hafnarfjarðar, sem beint var til aðalfundar S.
D. í.):
Aðalfundur Dýraverndunarfélags Hafnarfjarðar
samþykkir að beina því til Stefáns Gunnlaugssonar al-
þingismanns, að hann flytji frumvarp á Alþingi ásamt
öðrum þingmönnum, er hann kann að fá til liðs við sig
um skatt á skotfærum er fari til starfsemi S. D. í.
F. h. Dýraverndunarfélags Hafnarfjarðar Þórður
Þórðarson.
Samþykkt með öllum greiddum atkvæðum.
Ársskýrsla Sam-
bands Dýravernd-
unarfélaga fslands
Stjómin hélt 5 bókaða fundi á starfstímabilinu, en
auk þess höfðu ýmsir stjórnarmenn samband sín í mill-
um af ýmsum orsökum vegna starfsemi samtakanna.
Eins og fram kemur í bókun samtakanna var síðasti
aðalfundur S.D.I. 12. desember s.l., en fráfarandi
stjórn skilaði af sér störfum á fundi 25. marz og verð-
ur því að telja störf núverandi stjórnar hefjast þar með.
Utkoma málgagns S.D.I. var nokkuð á eftir áætlun.
Kom 6. tbl. ársins 1971 nokkru eftir áramót 1972 og
fyrsta tölublað 1972 í maí 1972.
Með því tölublaði kvaddi ritstjóri Dýraverndarans,
Guðmundur G. Hagalín, en hann hafði áður sagt starfi
sínu lausu. Stjórn S.D.I. hafði auglýst eftir ritstjóra
og nokkrar umsóknir borizt, en stjórnin var ekki reiðu-
búin að ráða neinn af umsækjendum.
Varð að samkomulagi að ritari S.D.I. Jón Kr. Gunn-
arsson tæki að sér ritstjórn til bráðabirgða. Kom 2. tbl.
út í júní í sama broti og áður en með nokkuð öðru
sniði. 3. tbl. kom nú út seinni hluta sumars og 4. tbl.
er um það bil tilbúið til dreifingar.
Ætlunin er að gefa út 5. og 6. tbl. í einu lagi og
reyna þannig að vinna upp þann drátt sem hefur orðið
á útgáfunni. Mun það tölublað verða tvöfalt að stærð
og koma út fyrir áramót, enda meginefni blaðsins þeg-
ar tilbúið.
I Dýraverndaranum hefur verið lögð áherzla á að
hafa sem fjölbreyttast efni um dýravernd og náttúru-
vernd, og hefur verið víða við komið í skrifum. Lögð
hefur verið áherzla á skrif sem hæfa ungu fólki. Einn-
ig má benda á leiðbeiningar um meðferð gæludýra
samanber 2. tbl. og hefur það verið sérstök ósk for-
ráðamanna S.D.I. að slík skrif yrðu aukin, enda er al-
menn leiðbeiningastarfsemi um dýrahald alls konar
dýra í undibúningi í málgagni S.D.I. Slík leiðbeininga-
starfsemi hefur oft verið til umræðu á fundum S.D.I.
Askrifendatala Dýraverndarans undanfarin ár virð-
ist í algjöru lágmarki, enda virðast ekki allir félagar
114
DÝRAVERNDARINN