Búnaðarrit - 01.06.1940, Síða 16

VIII
BÚNAÐ ARRIT
og 8 kálfa. Veggir úr grjóti, steinlímdir, básar, flórar
og gangstéttir úr steinsteypu. Ennfremur var varið
50 dagsverkum til þess að afla grjóts.
Hinn 19. september árið 1900 gekk Hjörtur að eiga
Ragnheiði, dóttur hins þjóðkunna ágætismanns, Torfa
í Ólafsdal. Hún er fædd 17. júní 1873 og ólst upp með
foreldrum sínum í Ólafsdal. Eitt ár dvaldi hún í Dan-
mörku, og lærði þá meðal annars mjólkurmeðferð.
Danir voru þá eins og kunnugt er, á undan öðrum
Norðurlandaþjóðum í þessari grein.
Ragnheiður tók nú við húsmóðurstörfum á þessu
geysil'jölmenna heimili. Má óliætt fullyrða, að hún
leysti hlutverk sitt svo vel af hendi, að lengra varð
ekki komizt, enda er hún ein hin mesta ágætiskona,
sem ég hefi kynnzt. — Á Hvanneyri voru á þessum
árum nálega 40 manns að vetrinum, en um heyskapar-
tímann um 50 manns, en ekki minnist ég þess, að
þeim hjónum fataðist nokkru sinni stjórnin á þess-
um hóp, þau fimm ár, sem ég dvaldi þar.
Árið 1901. Sléttað í túni 1755 ferh.faðmar. Hlaðinn
túngarður 24 faðma langur. Grafinn framræsluskurð-
ur 10584 ten.fet.
Fjósið frá árinu áður stækkað svo að nú rúmaði
það 40 kýr og 8 kálfa. — Þelta hús stendur enn og er
notað fyrir verkfærageymslu, eftir að það var notað
sem fjós í nærfelt 30 ár.
Þetta ár var einnig byggt fjárhús yfir 20 kindur,
veggir úr torfi, framgafl úr timbri.
Árið 1902. Sléttað í túni 1782 ferh.faðmar. Hlaðinn
torfgarður um kálfahaga 212 faðma langur. Grafinn
framræsluskurður 2460 ten.fet.
Þetta ár voru engar byggingar reistar á Hvanneyri.
Snenima í janúar 1902 veiktist Hjörtur hættulega og
lá um tíma mjög þungt haldinn, svo að xnjög var tví-
sýnt um líf hans. Mun liann seint eða ekki liafa náð
sér að fullu eftir þá legu.