Búnaðarrit - 01.06.1940, Page 56

156
BÚNAÐARRIT
þar er hvorttveggja, að þeir eru alls ekki til og hins
vegar gætu hæfileikar þeirra sein trúnaðarmanna
einnig verið misjafnir. Og ég er meira að segja ekki
eins viss um það og' Á. L. J. lætur skilja á sér, að
jafnvel ráðunautar hins opinbera séu óskeikulir í
þessum efnum. En það er fjarri mér að kasta nokkr-
um steini að þeim, þótt eitthvað megi finna að ræktun
þeirri eða framræslu, sem þeir hafa sagt fyrir um, því
að þeir hafa litlar eða engar tillraunir til þess að
styðjast við af íslenzkum uppruna og tiltölulega of
stutta almenna reynslu.
Ég tel því, að eins og nú horfir við, verði ekki hjá
því komizt yfirleitt að hafa við úttekt jarðabóta is-
lenzka búfræðinga og ég tel það ekki neina frágangs-
sök, ef rétt er i pottinn búið af hálfu hins opinbera.
Gallarnir á starfi trúnaðarmannanna, sem mér dettur
ekki í hug annað en að viðurkenna að eru til, stafa
ekki í'yrst og fremst af skorti á hæfileikum þeirra eða
þekkingu, þótt slíkt kunni að vera til, heldur er or-
sökin sú, að það opinbera lætur aö mestu lcijti undir
höfuð leggjast að gcfa þeim nákvæmar starfsreglur
til þcss að vinna eftir og hafa eftirlit með störfum
þeirra. Ég hefi verið trúnaðarmaður Búnaðarfélags
íslands í 15 ár og aldrei orðið þess var, að nokkurt
eftirlit væri haft með því starfi mínu. Ég hefi líka
orðið þess áskynja, að trúnaðarmenn beita mjög svo
misjöfnum reglum við úttekt jarðarbóta vegna þess
að nákvæm fyrirmæli hafa vantað um þær kröfur, er
gera skal.
Ég er yfirleitt þeirrar skoðunar, að meira eftirlit
þurfi að hafa með embættisverkum opinberra starfs-
manna en hingað til hefir verið hér á landi og er enn.'
Og ekki mundi ég skoða það neilt vantraust á mig
sem trúnaðarmann, þótt það væri athugað við og við,
hvort ég mældi rétt, væri óhlutdrægur, hæfilega kröfu-
harður um gæði jarðabóta o. s. l'rv. Og slíkt eftirlit