Hlín - 01.01.1934, Page 21

Hlín
19
stutt heimilisiðnað meðal annars með því að kaupa
spunavjel og lána til afnota. Það hefur haft sauma-
námsskeið og veturinn 1932—33 hafði það 2 náms-
skeið á fjelagssvæöinu: Hjúkrunarnámsskeið (kenn-
ari Sigríður Backmann,hjúkrunarkona) og matreiðslu-
námsskeið. Fyrra námsskeiðið sóttu 9 konur og hið
síðara 14 og 15. Það námsskeið fengum við frú Guð-
rúnu Þ. Björnsdóttur til að hafa heima hjá sjer á
Knararbergi. Það er ófyrirgefanlegt tómlæti hjá okk-
ur, konum hjer í nágrenni viö frá Guðrúnu, að hafa
ekki fyr beðiö hana að miðla okkur af hæfileikum
sínum og framúrskarandi kunnáttu og færni í mat-
reiðslu og öðrum heimilisverkum. — Þessa daga, sem
voru alt of fáir -— ekki nema fjórir — kendi Guðrún
að matbúa ýmiskonar kálmeti og kartöflur úr görðum
sínum. Konum þóttu rjettirnir Ijúffengir og góðir og
voru yfirleitt mjög ánægðar með námið.
Sjerstakan sjóð hefur kvenfjelagið stofnað, sem
heitir »Garðræktarsjóður«. Er hann nú orðinn það
stór (um 1100 krónur) að byrjað er að veita styrk
úr honum til garðræktar á heimilum í hreppnum.
Fjelaginu var vorið 1933 afhentur 1100 króna
Iljúkrunarsjóður til umráða og afnota með sjerstök-
um skilyrðum af gömlu hjúkrunarfjelagi, sem hafði
starfað í öngulsstaða- og Hrafnagilshreppum um
nokkur ár, en var leyst upp og sjóðurinn lagður til
kvenf j elaganna.
Síðastliðinn vetur mynduðu 4 kvenfjelög hjer fyrir
framan Akureyri samband sín á milli og hugsum við
gott til þeirrar samvinnu. Fjelögin hafa mörg sam-
eiginleg áhugamál.
S.
2*