Valsblaðið - 01.05.1998, Blaðsíða 17

Ragnar Hermannson þjálfari mfl.
kvenna í handknattleik.
Ragnar Hermannsson hóf störf hjá
handknattleiksdeild Vals síðastliðið
haust þegar hann hóf að þjálfa meist-
araflokk kvenna. Ragnar er 36 ára
sjúkraþjálfari með mikla reynslu af
íþróttum en auk þess að þjálfa hand-
bolta þá hefur Ragnar einnig komið
nálægt þjálfun á briddsspilurum og
knattspyrnumönnum. Ragnar hóf að
þjálfa yngri flokka í handbolta hjá
KR árið 1981 en hann þjálfaði meist-
araflokk kvenna hjá KR árið 1983 og
síðan lið Fylkis árið 1994. Ragnar er
mjög hæfur þjálfari en samstarf
hans og Borisar Bjarna Akbachev
hefur gjörbreytt þeirri umgjörð og
hugsunarhætti sem er í kringum
kvennahandboltann hjá Val.
Ertu ánægður með gengið í vetur?
Já, ég er tiltölulega ánægður með
stelpurnar þó svo að auðvitað vilji
maður hafa fleiri punkta en við höfum í
dag. Það eru fleiri jákvæðir hlutir í
gangi en neikvæðir. Það er samt alveg
ljóst að það er ákveðinnn stöðugleiki
kominn í liðið.
Hvert er markmið liðsins í vetur?
Mitt markmið er það að við náum að
sanna okkur meðal þeirra bestu og við
náum að fylgja eftir þeim stíganda sem
var í liðinu seinni hluta síðasta vetrar.
Stelpurnar í liðinu settu sér einnig
markmið en ég hef ekki skipt mér
mikið af þeim markmiðum.
Hvað flnnst þér um deildina í ár?
Það hefur fátt komið mér á óvart þó
finnst mér Framliðið vera sterkara en
ég átti von á og ÍBV er slakara en ég
átti von á. Önnur lið eru nokkuð svipuð
og gert var ráð fyrir en deildin er
nokkuð tvískipt.
Hvað með áhrif þeirra erlendu leik-
manna sem eru í deildinni?
Erlendu leikmennimir hjá Fram hafa
gjörbreytt umgjörð liðsins og koma
þeirra hefur gert aðra leikmenn í liðinu
betri. Hins vegar hefur koma erlendra
leikmanna hjá ÍBV mistekist algjör-
lega. En í heildina em áhrifin jákvæð
þó svo að liðin
verði að passa
sig að hafa ekki
of marga erlen-
da leikmenn.
Eitthvað að
lokum?
Ég ætla að vona
að liðið okkar
haldi áfram að
bæta við sig og
þroska sig þan-
nig að stelp-
umar nái að klifra upp töfluna og vera
tilbúnar í úrslitakeppnina.
Ragnar stjórnar liði sínu að
Hlíðarenda.
Valsblaðið 50 ára 17