Búnaðarrit - 01.01.1979, Page 7
Skýrsla
um störf Búnaðarfélags íslands 1978
Stjórn félagsins
Búnaðarþing kýs stjórn Búnaðarfélags íslands á fjögurra ára fresti
á fyrsta Búnaðarþingi hvers kjörtímabils. Síðast fór stjórnarkjör
fram 1975, og þá voru kosnir: Ásgeir Bjarnason, bóndi og al-
þingismaður, Ásgarði, sem er formaður félagsins, Einar Ólafsson,
fyrrverandi bóndi í Lækjarhvammi, ritari, og Hjörtur E. Þórarins-
son, bóndi, Tjörn. Varamenn stjómarinnar voru kosnir: Magnús
Sigurðsson, bóndi, Gilsbakka, Siggeir Björnsson, bóndi, Holti, og
Jón Helgason, bóndi og alþingismaður, Seglbúðum. Stjórnin ber
ábyrgð gagnvart Búnaðarþingi á þeim samþykktum og ákvörðun-
um, sem Búnaðarþing gerir á hverjum tíma.
Stjórn félagsins hélt 37 fundi á árinu og bókaði 313 ályktanir um
einstök erindi og mál á þeim fundum.
Endurskoðendur reikninga Búnaðarfélagsins eru Sigurður J.
Líndal, Lækjamóti, kosinn af Búnaðarþingi, og Guðmundur Sig-
þórsson, deildarstjóri, tilnefndur af Iandbúnaðarráðuneytinu.
Starfsmenn og starfsgreinar
Hér verður starfsfólk Búnaðarfélags íslands talið upp og getið
verksviðs hvers og eins. Breytinga á starfsliði félagsins verður getið
í eftirfarandi skýrslu. í skýrslum starfsmanna, sem birtar eru hér á
eftir, kemur nánar fram verkaskipting þeirra og að hvaða verkefn-
um þeir unnu á árinu.
1. Halldór Pálsson, búnaðarmálastjóri, er framkvæmdarstjóri
félagsins, stjórnar öllum starfsgreinum þess í umboði lelags-
stjórnar og situr stjórnarfundi. Hann er ritstjóri Búnaðarrits-
ins.