Búnaðarrit - 01.01.1979, Page 17
SKÝRSLA BÚNAÐARMÁLASTJÓRA
11
umsjón með og samræma útgáfu markaskráa á landinu, sem allar
eiga lögum samkvæmt að koma út á árinu 1979. Ráðherra varð
þegar við þessari ósk Búnaðarþings og skipaði með bréfi dags. 5.
júní 1978 eftirtalda þrjá menn, Hauk Jörundarson, skrifstofu-
stjóra, Jón Kristjánsson, rannsóknarmann, og Halldór Pálsson,
búnaðarmálastjóra, í nefnd til þess að samræma störf markavarða
landsins, svo að ekki komi til bagalegra og hættulegra sammerk-
inga. Búnaðarmálastjóri var skipaður formaður nefndarinnar.
Nefndin starfaði mikið, hélt fundi með markavörðum landsins,
hafði við þá mikil bréfaskipti, samdi frumvarp að reglugerð um
mörk og markaskrár og takmörkun á sammerkingum búfjár vegna
sauðfjárveikivarna. Ráðuneytið staðfesti reglugerðina seint í nóv-
ember og hefur nefndin hætt störfum.
Hrossamerkingarnefnd. Með bréfi dags. 7. marz 1978 óskaði
stjórn Búnaðarfélags íslands samkvæmt ályktun Búnaðarþings
1978 um erindi Gunnars Bjarnasonar og Péturs K. Hjálmssonarum
merkingu hrossa, að þeir Þorkell Bjarnason, ráðunautur, Pétur K.
Hjálmsson, ráðunautur, og Þorvaldur Árnason, tilraunastjóri,
mynduðu starfshóp til að kanna, hvernig megi einstaklingsmerkja
hross. Nefndin hefur ekki skilað áliti.
Nefnd til að endurskoða lög Búnaðarfélags Islands, sem skipuð
var 1977, hefur enn ekki lokið störfum, en skilar vonandi lokaáliti
áður en Búnaðarþing 1979 kemur saman.
Þátttaka í samtökum með öðrum þjóðum
Norrœnu bœndasamtökin NBC. Búnaðarfélag íslands er aðili að
íslandsdeild NBC. Sveinn Tryggvason er formaður íslandsdeildar
samtakanna, en Agnar Guðnason ritari. Aðalfundur NBC var
haldinn í Mariehamn á Álandseyjum dagana 2.-4. ágúst. Af hálfu
Búnaðarfélags íslands mætti búnaðarmálastjóri á fundinum.
Skýrsla um gerðir fundarins er birt í Frey 20. tölublaði 1978.
Samstarfsnefnd landbúnaðarnefndar Norðurlandaráðs hélt
fund sinn á Hvanneyri 6.-7. júlí. Þátttakendur hittust á Hótel
Loftleiðum kl. 19 miðvikudaginn 5. júlí og héldu þaðan til Hvann-
eyrar, en þar gistu þeir tvær nætur. Fundur stóð allan fimmtudag-
inn, en um kvöldið sátu fundarmenn kvöldverðarboð landbún-
aðarráðherra á Hótel Borgarnesi. Næsta dag var ferðast um Borg-