Búnaðarrit - 01.01.1979, Page 19
SKÝRSLA BÚNAÐARMÁLASTJÓRA
13
Stjórnin mætti í boði Búnaðarsambands Suðurlands við opnun
Landbúnaðarsýningarinnar á Selfossi hinn 11. ágúst. t>á var
búnaðarmálastjóri erlendis og gat því ekki þegið boð Búnaðar-
sambandsins að vera við opnun sýningarinnar, en fór þangað og
skoðaði sýninguna rækilega 18. ágúst, daginn eftir heimkomuna.
Þessi sýning var einn af merkustu viðburðum í landbúnaði á árinu,
og þeim, sem stóðu fyrir henni, til mikils sóma. Búnaðarfélag
íslands veitti Búnaðarsambandi Suðurlands nokkra faglega aðstoð
við undirbúning sýningarinnar, með því að margir starfsmenn fé-
lagsins störfuðu í undirbúningsnefndum sýningarinnar. Búnaðar-
félagið var í félagi með Stéttarsambandi bænda, Bændaskólunum
og Bréfaskólanum með sýningarbás á sýningunni, þar sem þróun
félagssamtaka landbúnaðarins var sýnd, starfsemin skýrð og þó
sérstaklega útgáfustarfsemin.
Ásgeir Bjarnason mætti í boði Ræktunarfélags Norðurlands í
Skúlagarði í Kelduhverfi hinn 25. ágúst í tilefni af 75 ára afmæli
Ræktunarfélagsins. Hann flutti þar ræðu. Þá mætti hann einnig á
fundi á Egilsstöðum hinn 20. september með stjórn Búnaðar-
sambands Austurlands og ráðunautum þess, þar sem rætt var um
búreikninga og nauðsyn á því, að búnaðarsamböndin veittu bænd-
um þjónustu í þeim efnum eigi síður en í öðrum þáttum búskapar-
ins.
Stéttarsamband bænda bauð stjórn Búnaðarfélags íslands og
búnaðarmálastjóra að sitja aðalfund sinn á Akureyri dagana 29.-
31. ágúst. Ásgeir Bjarnason, Einar Ólafsson og búnaðarmálastjóri
þáðu boðið, en Hjörtur E. Þórarinsson var erlendis. Á norðurleið
komu þeir Ásgeir Bjarnason, Einar Ólafsson og búnaðarmálastjóri
ásamt Óttari Geirssyni, jarðræktarráðunaut, til móts við stjórn
Búnaðarsambands Austur-Húnavatnssýslu og ráðunaut, að Unt-
svölum í Þingi, til að vinna að lausn deilumáls, er skapazt hafði milli
bóndans á Umsvölum annarsvegar og Búnaðarsambands A.-
Húnavatnssýslu og Búnaðarfélags íslands hins vegar, vegna fyrir-
mælingar og úttektar á skurði o. fl. í sambandi við framkvæmd
jarðræktarlaga. Ekki tókst að jafna deiluna til fulls, en málin
skýrðust, og hafa nú verið leyst. Hinn 12. nóvember mætti stjórn
Búnaðarfélags íslands ásamt búnaðarmálastjóra á aðalfundi Sam-
bands íslenzkra loðdýraeigenda á Akureyri, en þar var fyrir á
fundinum Sigurjón Jónsson Bláfeld, minkaræktarráðunautur. Var í
2