Búnaðarrit - 01.01.1979, Page 24
18
BÚNAÐARRIT
verandi landbúnaðarráðherra, Sveinbjörn Dagfinnsson,
ráðuneytisstjóri, og Sveinn Runólfsson, landgræðslustjóri.
Báðir aðilar láta vel af gagnkvæmum kynnum.
D. Danielsen, menntamála- oglandbúnaðarráðherraíFæreyjum
kom í heimsókn til Búnaðarfélags íslands 20. nóvember. Erindi
hans var að leita eftir að fá vel menntaðan landbúnaðarsérfræðing
frá íslandi til að leiðbeina Færeyingum um val, skipulag, uppbygg-
ingu og stjórnun á landbúnaðarfræðslumiðstöð, sem stendur til að
koma upp í Færeyjum. Er ætlunin, að þar verði fámennur bænda-
skóli og tilraunastöð. Búnaðarmálastjóri benti á Svein Hallgríms-
son, lic. agr., sauðfjárræktarráðunaut, sem nú væri í orlofi, sem lyki
í iok janúar 1979. Danielsen ræddi við Svein, sem mun skreppa til
Færeyja til að athuga aðstæður.
Landnýtingartilraunir
Með tilvísun til skýrslu búnaðarmálastjóra Til Búnaðarþings 1978,
bls. 24 og 25, skal fram tekið, að landnýtingartilraununum var
haldið áfram sumarið 1978 á sömu stöðum og áður, nema hætt var í
bili við tilraunirnar við Sandá á Biskupstungnaafrétti, og hafizt var
loks handa með tilraun á Eyvindardal í Skriðuklausturslandi.
Dr. Ólafur Guðmundsson hafði eins og áður umsjón með fram-
kvæmd tilrauna þessara, og Búnaðarfélag íslands lagði fram all-
mikla vinnu við framkvæmd tilraunanna, einkum við vigtanir.
Ráðunautar og aðrir starfsmenn félagsins gripu í þetta, er þeir gátu
komið því við, en auk þess réði Búnaðarfélagið Pétur Sigtryggsson,
aðstoðarsérfræðing, í 21 dag í sumarfríi hans til að vinna við þessar
tilraunir með dr. Ólafi Guðmundssyni.
Bændafarir
Engin bændaför var farin innanlands. Búnaðarfélag íslands hafði
engin afskipti af bændaferðum til útlanda. Hinsvegar fengu ferða-
skrifstofur, sem sáu um bændafarir til útlanda eða ferðir erlendra
bænda hingað til lands, suma starfsmenn Búnaðarfélagsins í nokkr-
um tilfellum sem leiðsögumenn í sumarfríum þeirra.