Búnaðarrit - 01.01.1979, Page 25
SKÝRSLA BÚNAÐARMÁLASTJÓRA
19
Fulltrúafundur Landverndar
Samtökin Landvernd buðu Búnaðarfélagi íslands að senda fulltrúa
á aðalfund samtakanna, er haldinn var í Ölfusborgum 18. og 19.
nóvember. Á þann fund fór Óláfur R. Dýrmundsson, sjá starfs-
skýrslu hans.
Fræðslustarfsemi félagsins
Ráðunautar félagsins veita fræðslu og leiðbeiningar allt árið í við-
tölum við menn, með bréfaskriftum, í greinum í blöðum og tímarit-
um og með erindaflutningi á fundum og í útvarpi. Ráðunautarnir
skvra nánar frá þessum málum í starfsskýrslum sínum hér á eftir.
Ráðunautafundur Búmaðarfélags Islands og Rannsóknar-
stofnunar landbúnaðarins var haldinn vikuna 6.-10. febrúar. í
undirbúningsnefnd af hálfu Búnaðarfélags íslands voru ráðunaut-
arnir Ketill A. Hannesson, dr. Ólafur R. Dýrmundsson og Óttar
Geirsson, en af hálfu Rannsóknarstofnunar landbúnaðarins, Grét-
ar Guðbergsson, dr. Hólmgeir Björnsson og dr. Stefán Aðalst-
einsson. Þátttakendur í fundinum voru um 140. í þeim hópi voru
ráðunautar Búnaðarfélags íslands og búnaðarsambandanna, sér-
fræðingar Rannsóknarstofnunar landbúnaðarins, tilraunastjórar,
kennarar og skólastjórar bændaskólanna, nemendur
búvísindadeildar á Hvanneyri, starfsmenn Landgræðslu ríkisins,
Landnáms ríkisins og Landbúnaðarráðuneytisins og nokkrir fleiri.
Helztu viðfangsefni fundarins voru staða landbúnaðarins,
markaðsmál og leiðir til að lækka framleiðslukostnað. Einnig var
fjallað ítarlega um garðyrkju og aukabúgreinar, beitartilraunir og
mörg stutt erindi voru flutt um niðurstöður rannsókna. Undirbún-
ingsnefndin bjó öll erindin til útgáfu, áður en ráðstefnan hófst, og
komu þau út í 4 heftum við upphaf ráðstefnunnar.
Námskeið og fundirfyrir bœndur. Engin lengri kennslunámskeið
voru haldin fyrir bændur, en allmargir fræðslufundir voru haldnir,
að ósk búnaðarsambanda og búfjárræktarfélaga, þar sem einn eða
fleiri starfsmenn félagsins mættu til að flytja erindi og svara fyrir-
spurnum. Hlutaðeigandi ráðunautar geta um í starfsskýrslum
sínum, hvar þeir fluttu erindi, og um hvað.
Þrjú námskeið fyrir kennara í vélrúningu sauðfjár voru haldin á