Búnaðarrit - 01.01.1979, Page 33
SKÝRSLUR STARFSMANNA
27
Rannsóknarstofnun landbúnaöarins, Ræktunarfélag Norðurlands
og Búnaðarfélag íslands stóðu fyrir á Hvanneyri dagana 31. maí til
2. júní. Undirbúningur hvíldi að mestu leyti á þeim Hvanneyring-
unum Bjarna Guðmundssyni og Ólafi Guðmundssyni. Á þessunt
fundi voru fyrirlesarar frá Rannsóknarstofnun landbúnaðarins,
Byggingarstofnun landbúnaðarins, Búnaðarfélagi íslands, Rækt-
unarfélagi Norðurlands, héraðsráðunautar og bændaskólakennar-
ar, en auk þess prófessor Kjell Svensson fra Ultuna í Svíþjóð.
Umræður á fundinum uröu miklar og góðar.
Ég átti sæti í þróunarnefnd landbúnaðarsýningarinnar á Selfossi
s. 1. sumar. Vegna hennar fór ég nokkrar ferðir að Selfossi auk
annars undirbúnings.
Ég var skipaður í nefnd til að endurskoða lög um eftirlit nteð
fóðurvörum og gera tillögur um eftirlit með sáðvöru og áburði.
Með mér í nefndinni voru Haukur Jörundarson, skrifstofustjóri í
Landbúnaðarráðuneytinu, og Rögnvaldur Guöjónsson, fóðureft-
irlitsmaður. Nefndin lauk störfum áður en Búnaðarþingi 1978
lauk, og voru tillögur hennar lagðar fyrir þingið.
Pá tilnefndi Búnaðarfélag íslands mig af sinni hálfu í viðræðu-
hóp, sem á að athuga, hvort ástæða sé til að gera sömu kröfur til
girðinga, sem njóta framlags samkvæmt jarðræktarlögum, til girð-
inga með vegum, skógræktargirðinga og landgræðslugirðinga. Auk
mín eru í hópnurn Hákon Sigtryggsson frá Vegagerð ríkisins, Ágúst
Árnason frá Skógrækt ríkisins og Greipur Sigurðsson frá Land-
græðslu ríkisins. Hópurinn hefur nokkrum sinnum komið saman á
árinu og m. a. ferðast í tvo daga um Borgarfjörð og Suðurland og
skoðað girðingar og hlið. Ætlunin er að ljúka störfum fyrir vorið.
Hef ég þá trú, að út úr þessu samstarfi geti safnast álitlegur fróð-
leikur um girðingar.
Tilraunir. Ég fór tvisvar í ferðir vegna beitartilraunanna stóru í
Kálfholt til að mæla stærðir grænfóðurhólfa og í Sölvholt til að
aðstoða við að vigta kálfa, sem þar voru í tilrauninni. Ég fór einnig
að Hesti í Borgarfirði til að mæla fyrir legu hagaskurða, sent þar
voru grafnir í mýri, þar sent kanna á áhrif framræslu á lífríkið. Þá
átti ég eins og áður samstarf við þá, sem að rannsóknunt vinna, með
viðtölum og umræðum um rannsóknarverkefni.