Búnaðarrit - 01.01.1979, Síða 52
46
BÚNAÐARRIT
ist á um grænmeti í seinustu starfsskýrslu minni. Ég tel að söluaðilar
þurfi að leggja sívaxandi kapp á kynningu og aukna sölumennsku.
Einnig þarf að koma til meiri og örari sveigjanleiki á verði en
hingað til hefur gætt. Framleiðendur verða einnig að notfæra sér öll
þau ráð, sem eflt geta vinnuhagræðingu, til þess að mæta síauknum
kostnaði. Pá er mikilvægt að nýta hverja flatareiningu gróðurhúsa
eins og kostur er á og með því auka framleiðslu hennar. Er því
nauðsynlegt að skipuleggja vel allar ræktunarframkvæmdir þannig,
að sem minnst tímatöf verði, en sums staðar skortir verulega á, að
þetta sé gert. Hér og þar standa ætíð of illa nýtt gróðurhús og
sömuleiðis er allt of mikið um gömul og léleg hús undir ræktun
gúrkna og tómata, sem gera verulegar kröfur. Væru þannig hús
betur notuð undir aðra ræktun, t. d. gulrætur eða salat.
Á vegum Sölufélags garðyrkjumanna seldust á árinu matjurta-
afurðir fyrir um 480 millj. króna og var um 150 milljón króna
aukningu að ræða frá árinu áður, bæði vegna hækkunar á verðlagi
og aukningar í framleiðslu á vissum tegundum.
Heildsöluverðmæti blómaframleiðslu úr gróðurhúsum nam 400
millj. króna samkv. upplýsingum söluaðila, sem sjá verzlunum fyrir
blómum. Hér koma þó ekki öll kurl til grafar, af því að á stöku
gróðrarstöð eru söluskálar, þar sem umfangsmikil sala á sér stað,
auk þess er garðplöntuframleiðsla (sumarblóm) hér og þar veruleg.
Ferðalög og fundarhöld. í erindagjörðum leiðbeininga og fræðslu
ferðaðist ég samtalsí 85 daga. Einnig var égí4 ferðum erlendis, alls
í tvo mánuði, en þar í var um 5 vikna sumarfrí að ræða.
Ég mætti á 16 fundum víðsvegar, þar sem ég hélt erindi um
garðrækt. Aðsókn var breytileg. Fjölmennastur var fundur, sem
Garðyrkjufélag íslands stóð fyrir í Félagsheimili stúdenta, Reykja-
vík, en þar reyndist húsfyllir eða um 300 manns. Ræddi ég þar um
heimilisgróðurhús og ræktun í þeim. Er ört vaxandi áhugi fyrir
málefni þessu hér. Ég tók einnig að mér að annast fræðslu á kvöld-
námskeiðum, sem Námsflokkar Kópavogs stóðu fyrir, er líða tók á
vorið. Var um 4 kveld að ræða, þar sem ég miðlaði fróðleik um
ýmsa sérþætti garðræktar. Einnig mætti ég á fundum á eftirtöldum
stöðum: Akranesi, Valfelli í Borgarhr., Búðardal, Bolungarvík,
ísafirði, Siglufirði, Ólafsfirði, Dalvík, Akureyri, Húsavík og
Selfossi. Auk þess talaði ég á 4 fundum hjá gróðurhúsabændum í
Borgarfirði og hélt 2 erindi á Ráðunautaráðstefnu Búnaðarfélags