Búnaðarrit - 01.01.1979, Page 55
SKÝRSLUR STARFSMANNA
49
svarar liðlega 25 kg uppskeru af hverjum fermetra. Rétt þykir þó að
taka fram, að aðeins var um 4 m2 ræktun að ræða.
Ýmislegt fleira mætti tíunda, en læt þó staðar numið hér. Ég
þakka samstarfsfólki sem og garðyrkjufólki góða samvinnu á árinu.
Óli Valur Hansson.
Ylrœktarráðunauturinn.
Starf mitt á liðnu ári hefir einkum verið á vegum garðyrkjubænda
og samtaka þeirra eins og á undanförnum árum.
Voru helztu garðyrkjuhverfi heimsótt reglulega, eftir því sem við
varð komið. Veittar voru leiðbeiningar og þjónusta á öllum sviðum,
s. s. ræktun, jarðvegsvandamálum, áburðarþörf, sjúkdómum,
tækniþjónustu hverskonar, teikningar og leiðbeiningar um bygg-
ingar svo nokkuð sé nefnt.
Einnig kom til minna kasta talsvert af leiðbeiningum á almennu
sviði og þá ekki sízt ýmis atriði varðandi heimilisgróðurhús, bygg-
ingu og notkun.
Ét; var ritari Búnaðarþings, eins og á undanförnum árum.
Ég flutti ýmis erindi um garðyrkju og mál þar að lútandi í útvarp
og á fundum ýmissa samtaka, svo og á ráðunautafundi í febrúar. Þar
fjallaði ég á breiðum grundvelli um ylrækt á íslandi, stöðu hennar
og þróun. Ég sat fjölda funda í Eiturefnanefnd, þar sem fjallað var
um varnarefni í landbúnaði og garðyrkju og gaf umsagnir um aðila,
sem sóttu um leyfi til Eiturefnanefndar, til að mega hafa varnarefni
undir höndum. Einnig stóð ég í sambandi við ýmsa innlenda og
erlenda aðila um ýmis mál af þessu tagi.
Ég átti sæti í undirbúningsnefnd að landbúnaðarsýningu á
Selfossi að skipan stjórnar Búnaðarfélags íslands. Hélt garðyrkju-
nefndin fjölda funda, og einnig vann ég mikið í sambandi við
uppsetningu garðyrkjudeildar, að hinum fjölbreyttustu verkefnum,
utanhúss sem innan. Einnig vann ég við deild þá, er Búnaðarfélag
Islands stóð að, á sýningunni.
Þá tók ég sæti í nefnd, sem skipuð var af Landbúnaðar-
ráðuncytinu á árinu, ásamt Grétari Unnsteinssyni, skólastjóra, og
Gústaf Sæland, formanni Sambands garðyrkjubænda. Nefndin á að