Búnaðarrit - 01.01.1979, Side 61
SKÝRSLUR STARFSMANNA
55
Yfir 20 erindi voru flutt þar. Auk aðalfundarstarfa skiluðu milli-
þinganefndir álitsgerðum, og nokkrir aðrir málaflokkar voru á
dagskrá. Nefnd, sem fjallað hafði um töku mjólkursýna til protein-
ákvörðunar og margföldunarstuðul í því sambandi, skilaði loka-
niðurstöðum. Nefnd, sem fjallaði um gerð mjólkurmæla, skilaði
bráðabirgðaáliti, en var falið að vinna áfram að málinu. Fyrirlestrar
voru fluttir um aukna tækni og sjálfvirkni í sambandi við skýrslu-
hald og ákvörðun aðalefna mjólkurinnar, svo og um hagnýtingu
skýrsluhalds við fóðrun og hirðingu kúnna. Notkun þessara hjálp-
artækja er enn mest á stórum kúabúum, en breiðist út til smærri
búa.
Fundur NÖK í Tampere (Tammerfors) í Finnlandi. Árið 1948
voru stofnuð norræn samtök um hagnýta nautgriparækt (Forening-
en Nordisk ökonomisk Kvœgavl). Að samtökunum stóðu bændur,
rannsóknamenn, ráðunautar, kennarar, dýralæknar o. fl. í Dan-
mörku, Finnlandi, Noregi og Svíþjóð. Með þessu var stefnt að því
að efla samstarf milli Norðurlandaþjóðanna um framfarir á sviði
nautgriparæktar og lögð áherzla á þá þætti, sem hagnýtt gildi hefðu
í kúabúskap og leitast við á þann hátt að stytta bilið milli vísinda og
búreksturs. Ekki er vitað til, að íslendingum hafi verið boðin þátt-
taka í byrjun, enda aldrei eftir henni leitað.
Samtökin halda aðalfund 2. hvert ár, og það mun hafa verið á
fundinum 1976, að athygli var vakin á því, að íslendingar stæðu
utan við þetta samstarf ogskyldi stefnt að því að bæta úr í því efni. í
framhaldi af því var bæði búnaðarmálastjóra og undirrituðum sent
boðsbréf um að vera áheyrnarfulltrúar á fundinum s. 1. sumar, sem
haldinn var 30. júlí-2. ágúst í Tammerfors. Sótti ég fundinn sem
fulltrúi Búnaðarfélags Islands og flutti þar kveðju frá formanni
þess. í boðsbréfinu til mín stendur, að leitt sé, að ísland standi enn
utan við þennan norræna félagsskap, þar sem vitað sé, að miklar
framfarir eigi sér stað í íslenzkri búfjárrækt. Það, sem gerði fundinn
frábrugðinn venjulegum ráðstefnum og í alla staði ánægjulegri, er
sú venja, sem skapazt hefur, að fulltrúar eru þarna flestir með maka
sinn og börn, og verður því heimilislegri og frjálslegri bragur en
ella. Um 10 fyrirlestrar voru fluttir og umræðuhópar settir til að
fjalla um einstök mál. Mikill áhugi kom fram um að fá Islendinga í
samtökin og samþykkl ályktun þar að lútandi. Verður það
stjórnarinnar að koma með tillögur um, hve margir félagsmenn