Búnaðarrit - 01.01.1979, Page 67
SKÝRSLURSTARFSMANNA
61
voru í rannsókninni nú um áramót. Báru 33 frá hausti til ársloka
1978 og tvær í jan. 1979, og eru þá allar taldar. Eru 6 undan
hvorum þeirra, Búra 73019 og Flóa 74002, 5 undan hverjum
þeirra, Túna 73008, Rosta 73012 og Sólmyrkva 74006, og 4 undan
hvorum þeirra, Rex 73016 og Glæsi 74007.
Þá eru í uppeldi á stöðinni 28 kvígur, fæddar 1977, undan þremur
nautum, þ. e. 10 undan Stöpli 74014, 9 undan Bróður 75001 og 9
undan Eini 75003. Eiga þær að bera haustið 1979.
Engar kvígur voru settar á í afkvæmarannsókn árið 1978.
II. Afkvœmarannsóknir á grundvelli skýrsluhalds nautgriparœkt-
arfélaga. Afkvæmarannsóknir, byggðar á skýrsluhaldi hjá bændum,
dómi um byggingu við skoðun kvígna og umsögn bænda um mjölt-
un eru að aukast ogfestast íformi. Þegar Iokið hefur veriðskoðun á
kvígum, sem báru að fyrsta kálfi á árinu og eru undan ákveðnum
nautum, verður lýsing á þessum dætrahópum tengd niðurstöðum
um kynbótaeinkunnir sömu nauta og þær birtar í nautaskýrslu.
Á árinu hlutu endanlegan afkvæmadóm 5 naut, sem ekki hafa
verið afkvæmaprófuð á stöð, öll fædd árið 1971. Eru þau þessi:
1. Drafni 71002, sem tekinn var í notkun sem kýrfaðir.
2. Náttfari 71005, sem sæði var geymt úr til ársloka, en hefur nú
verið fleygt.
3. Mörður 71018, sem tekinn var í notkun sem kýrfaðir.
4. Toppur 71019, sem tekinn var í notkun sem nautsfaðir og
kýrfaðir.
5. Laxi 71028, sem ákveðið var að nota ekki frekar.
Nánar verður greint frá niðurstöðum þessum í nautaskýrslu.
Kynbótanefnd. Búnaðarþing 1978 kaus 4 héraðsráðunauta og
varamenn þeirra í kynbótanefnd til fjögurra ára, sjá Búnaðarrit
1978, bls. 255. Tók Einar Þorsteinsson, Sólheimahjáleigu, við af
Guðmundi Stefánssyni, sem var að hætta störfum sem ráðunautur.
Urðu ekki aðrar breytingar á aðalmönnum frá því, sem verið hafði
árið 1977. Ritari nefndarinnar er áfram Erlendur Jóhannsson.
Fundir eru haldnir eftir hvert ársfjóröungslegt uppgjör skýrslna.
Fyrsti fundurinn var haldinn í Reykjavík 22. febrúar. Lá þá fyrir
ársuppgjör 1977 og kynbótaeinkunnir nauta. Þetta er sá fundur,
sem veigamestu ákvarðanir eru teknar á um nautaval og notkun
nauta og lýst er í síðustu starfsskýrslu. Annar fundur nefndarinnar
var haldinn á Nautastöðinni á Hvanneyri og nautin þar skoðuð.
5