Búnaðarrit - 01.01.1979, Page 69
SKÝRSLUR STARFSMANNA
63
Nautauppeldisstöðin í Porleifskoti. Allt frá því, aö undirbúningur
djúpfrystingarstöðvar fyrir nautasæði var kominn á rekspöl fyrir
áratug, var ljós nauðsyn þess að koma upp aðstöðu til uppeldis á
nautkálfum fyrir stöðina, þangað sem hægt væri að flytja kálfana
unga og ala þá upp fyrsta árið og fylgjast með þroska þeirra. Lagði
ég þá til, að uppeldisstöðvarnár yrðu tvær, önnur í Laugardælum
(Kynbótastöðin í Þorleifskoti), en hin á Akureyri. Ekki varð úr
þessu. Athugað var síðar um uppeldisaðstöðu til bráðabirgða á
Lykkju á Kjalarnesi, og skilaði Brynjólfur Sandholt, héraðs-
dýralæknir, fyrir réttum 8 árum, skýrslu um aðstöðu þar til ein-
angrunar. Ekki varð þó úr samningum. Flestir kálfar á þessum tíma
voru aldir upp á Lundi við Akureyri og Rangárvöllum, unz S. N. E.
hætti afkvæmarannsóknum, og nokkrir fengust fluttir beint á
Nautastöðina á Hvanneyri með leyfi Sauðfjárveikivarna. Frá 1972
var reynt að koma sem flestum kálfum að Arnarstöðum í Flóa, þar
sem Kynbótastöðin í Laugardælum hafði samið um aðstöðu til
einangrunar, og stóð svo til ársins 1976, er aðstaða fékkst í Gröf á
Höfðaströnd, svo sem vikið er að hér að framan. Fram til þess tíma
voru engar mælingar gerðar á kálfunum, hvað þá fóðrunarathug-
anir, enda engin aðstaða til slíks vegna þrengsla, og dvalartími
miðaður við einangrunartímann.
Enda þótt Búnaðarfélag Islands brygðist seint við að koma þess-
um þætti nautgriparæktarinnar í viðunandi horf, þá var með bygg-
ingu uppeldisstöðvarinnar í Þorleifskoti tekið myndarlega á mál-
inu, og hefur þar verið sköpuð ágæt aðstaða til uppeldis og athug-
unar á framför og fóðurnýtingu auk sérstakrar aðstöðu til einangr-
unar, sem rýmkar heimild um flutning ungra kálfa á stöðina. Ber að
þakka byggingarnefnd fyrir gott starf. Fyrstu kálfarnir voru fluttir á
stöðina 14. nóvember s. 1. Var þar að vísu um nokkurt samansafn að
ræða. í árslok voru komnir þangað 11 kálfar. Voru 4 þeirra undan
Blika 69001,3 undan Laufa 70009 og einn undan hverjum þeirra
Bakka 69002, Garði 70003, Laufa 70008 og Vaski 71007. Hefur
þeim farið vel fram hjá Sveini Sigurmundssyni, er sér um uppeldi
þeirra og rekstur stöðvarinnar í byrjun.
Vélskýrsluhaldið. Uppgjör skýrslna gekk ágætlega á árinu. Vís-
ast til starfsskýrslu Jóns Viðars Jónmundssonar um framgang þess
að öðru leyti.
Holdanautabúið á Hvanneyri. Á búinu voru í árslok 1978 38