Búnaðarrit - 01.01.1979, Page 73
SKÝRSLUR STARFSMANNA
67
sinn, sem útflutningur nautgripa héðan í þeim tilgangi að prófa
kynbótagildi íslenzka kynsins á sér stað, þótt vísindamenn fleiri
þjóða hafi sýnt áhuga í þessu efni. Hér er ekki staður að ræða um
árangur í kynbótum, fóðrun eða í öðrum þeim málum, sem unnið
hefur verið að í samræmi við tilgang og lög nautgriparæktarfélag-
anna. Ekki verður þó annað sagt en bændum hafi á þessu tímabili
tekizt að rækta afurðamiklar kýr, svo að landsmenn eiga nú mun
verðmætari stofn en þann, sem til var um aldamótin. Peir hafa náð
mun betri tökum á fóðrun en áður var og búin hafa stækkað, en
framleiðendum jafnframt stórfækkað hin síðari ár. Hagfelldur
rekstur hvers einstaks bús hlýtur, þegar til lengdar lætur, einnig að
vera hagfelldur fyrir þjóðina, ef rekstur þjóðarbúsins er með eðli-
legum hætti. Þótt óðaverðbólga innanlands komi um sinn í veg fyrir
eðlilegan útflutning umfram framleiðslu í landbúnaði, þá ætti ein-
mitt hin mikla framleiðsla, sem náðst hefur, að sýna öllum, að tekizt
hefur að rækta afkastamikla gripi og fóðra þá þannig, að í stað
skorts er nú gnægð fjölbreyttra, hollra mjólkurvara. Hcfur verið
fylgt hámarksafurðastefnu, þ. e. að fá sem mestar afurðir eftir
hvern grip án sóunarfóðurs. Sú stefna á ekki síður við hér á landi en
í öðrum löndum, sem framarlega standa í nautgriparækt, því að
kostnaður við byggingar, vinnu og vetrarfóðrun verður hér tiltölu-
lega mikill. Verður þeirri stefnu vonandi fylgt áfram.
Ólafur E. Stefánsson
III. Skýrsla Erlendar Jóhannssonar.
Skrifstofustörf. Þau voru með svipuðu sniði og áður. í byrjun ársins
tók ég saman niðurstöður úr kvíguskoðun 1977 og voru þær fjölrit-
aðar og sendar öllum viðkomandi héraðsráðunautum. Þá tók ég
sanran skrá yfir þau naut Nautastöðvar Búnaðarfélags Islands og
Kynbótastöðvarinnar í Laugardælunr, sem fyrirhugað var að nota á
árinu, og var hún prentuð á spjald, sem sent var öllum bændum,
sem skipta við stöðvarnar. Eins og að undanförnu voru þar leið-
beiningar um notkun nauta í því skyni, að komast hjá nánunr
skyldleika milli gripa. Auk þess var nú tekið upp að skrá ýnrsar
upplýsingar í einföldu formi um þau reyndu naut, senr notuð voru á