Búnaðarrit - 01.01.1979, Page 93
SKÝRSLUR STARFSMANNA
87
út á þessar leiðir í búskap, um fjármagnsþarfir í stofnkostnaði og
sölumöguleika, þar sem búskap skyldi hefja. Þeir, sem komnir eru
af stað með skynsamlegan og vel undirbúinn rekstur, þurfa ekki svo
mjög á heimsóknum ráðunauta að halda. Þeir þurfa að kunna eins
mikið og ráðunauturinn og raunar meira í verklegum efnum. í
sauðfjárrækt getur verið gagnlegt fyrir bændur að fá fjárglögga
ráðunauta í heimsókn í hrútakofann til að þreifa á sköpulagi hrút-
anna, en slík sveitarómantík nær því miður ekki til alifugla- og
svínaræktar. Það var því nokkur von, að fjárbóndi, sem hafði snúið
sér að fuglabúskap, fyndi ástæðu til að kvarta út af mér sem ráðun-
aut, því að hann hafði ekki vitað til, að ég hefði nokkru sinni skoðað
nokkurn hana í sveit hans.
Árið 1965 ákvað Landbúnaðarráðuneytið samkvæmt tilmælum
frá tveimur stærstu hestaútflytjendum landsins, að ég yrði ráðinn til
Búnaðarfélagsins sem ráðunautur um hestaverzlun, en ég hafði
mjög unnið að þeim málum frá upphafi starfs míns sem hrossarækt-
arráðunautur til 1961, er ég lét af þeim störfum og tók að mér
skóla- og bústjórn á Hólum í Hjaltadal. Eftir fáa mánuði hringdi
Líkaböng mig feigan á þeim stað, og fór ég þá aftur til kennslustarfa
á Hvanneyri haustið 1963, og tveimur árum seinna var þessu starfi
svo aftur bætt á mig. Árið 1973 var ég skipaður forstöðumaður
Fóðureftirlits ríkisins, sem á s. 1. ári var breytt með lögum í „Eftir-
litsdeild Rannsóknarstofnunar landbúnaðarins", sem aukfóðureft-
irlits annast einnig fræeftirlit og áburðareftirlit í framtíðinni. Um
leið og ég var skipaður deildarstjóri þessarar nýju deildar Rann-
sóknarstofnunarinnar, sagði ég upp störfum mínum sem alifugla-
og svínaræktarráðunautur, en held áfram starfi við Búnaðarfélagið
sem ráðunautur um útflutning og verzlun með hesta.
I bréfi Landbúnaðarráðuneytisins til Búnaðarfélags íslands 24/8
1978 um breytingar á störfum mínum segir:
„Vegna ofangreindra breytinga og með tilvísun til fyrrnefndra
viðræðna hefurráðuneytið samþykkt, að Gunnari Bjarnasyni verði
greiddur lU hluti ráðunautslauna, eins og þau eru á hverjum tíma
hjá starfandi ráðunautum með hliðstæða menntun og starfsaldur,
frá 1. september n. k. að telja, vegna aðstoðarstarfa hans og ráð-
gjafar, sem hann veitir vegna útflutnings á hrossum, eftir nánara
samkomulagi við útflytjendur og Búnaðarfélag íslands.
Með þessari samþykkt fellur úr gildi samþykkt ráðuneytisins um