Búnaðarrit - 01.01.1979, Blaðsíða 94
88
BÚNAÐARRIT
starf Gunnars Bjarnasonar sem ráðunautar, dags. 26. febrúar
1965, þó er samkomulag um, að Gunnar Bjarnason vinni sem
alifugla- og svínaræktarráðunautur hjá Búnaðarfélagi íslands
samhliða ofangreindu starfi svo lengi sem stjórn þess æskir þess, án
launa.“
Ég hef í stuttu máli rifjað upp sögu þessarar 15 ára viðleitni
minnar til að koma þessum búgreinum, alifugla- og svínarækt, í
svipað þróunarhorf og verkmenntaðar vesturlandaþjóðir hafa
komið á hjá sér fyrir 15-20 árum síðan. Menn, sem kalla sjálfa sig
,,alvöru-framleiðendur“ og ,,alvöru-bændur“, telja sumirstörf mín
lítils virði og biðja Búnaðarfélagið um ,,alvöru-ráðunaut“. Ég ætla
ekki hér að biðja neinnar afsökunar á tilveru minni eða viðleitni til
þess að verða að gagni, en tek því, sem að mér er rétt, líka glaðning-
arnar, sem ég er þakklátur fyrir, og ætla áfram að lifa í þeirri trú, að
það sé sannmæli, sem vinur minn, Karl Þórarinsson, bóndi á
Lindarbæ við Ölfusá sagði eitt sinn við mig af einhverju gefnu
tilefni fyrir áratug síðan: „Þú ert ekki óvinsæll, Gunnar minn, en þú
ert umdeildur“.
II. Hestaverzlun og kynningarstörf.
Til þess að mönnum sé Ijóst í hverju störf mín fyrir hestaverzlun
eru fólgin, skal ég hér taka upp úr erindisbréfi mínu fyrir það starf
frá 13. maí 1965:
,, I. Gunnar Bjarnason tekur að sér að hafa á hendi leiðbeiningar
um útflutning hrossa, svara bréfum um það efni, annast kynningar-
starfsemi erlendis með samskiptum við embættismenn á sviði hest-
amálefna og með því að rita og koma á framfæri við erlend tímarit,
áróðurs- og upplýsingagreinum um íslenzka hestinn, eftir því sem
þurfa þykir.
2. Hann skal gera uppkast að reglum um útflutning hrossa, sem
verði lagðar fyrir stjórn Búnaðarfélags íslands til úrskurðar og
samþykktar. Að fengnu samþykki stjórnarinnar, verði þessar regl-
ur birtar opinberlega hérlendis og erlendis. í þessum reglum séu
ákvæði um flokkun, gæðamat og brennimerkingu (húðbrenni-
merkingu) útflutningshrossa. Brennimerkið sé lögverndað.