Búnaðarrit - 01.01.1979, Page 95
SKÝRSLUR STARFSMANNA
89
3. Unz öðru vísi verður ákveðið, skal Gunnar Bjarnason skoða
og flokka útflutningshross, sé þess óskað, og gefa út vottorð með
undirskrift og stimpli Búnaðarfélags íslands. Gjald fyrir hvert vott-
orð skal vera kr. 50,--fimmtíu krónur —, sem rennur í sérstakan
sjóð hjá Bf. ísl., er félagið notar fyrst og fremst til að standa undir
kostnaði við kynningu íslenzka hestsins erlendis.
4. Útflytjendur hrossa greiða Gunnari Bjarnasyni ferðakostnað
hans og annan kostnað í sambandi við aðstoð hans við útflutning-
inn, enda starfi hann að þessum málum í samráði við útflytjendur."
Árið 1978 voru alls flutt út 555 hross, og var það nokkru
meira en árið á undan. Meðal fob-verð var kr. 340.000 á hross, en
árið á undan var það kr. 202.000 og var það 59,4% hækkun, sem
samsvarar um það bil gengisbreytingum á tímabilinu.
Einna athyglisverðast í þessum málum á s. I. ári, var það, að
hingað komu til landsins um 2000 útlendir hestaeigendur og hesta-
unnendur til að vera viðstaddir landsmótið á Þingvöllum. Áætlað
hefur verið, að gjaldeyristekjur landsins af hverjum þessara ferða-
manna hafi verið um 300.000 kr. og er þá fargjaldið þar með talið,
en saman reiknað gerir það um 600 milljónir króna. Hins vegar
gerir fob-verð útfluttu hestanna aðeinsum kr. 190milljónir. Það er
giskað á, að árlega komi 700-800 ferðamenn til landsins eingöngu
vegna hestanna og þess kynningarstarfs, sem vegna þeirra er unnið
erlendis, og eru því árlegar gjaldeyristekjur þjóðarinnar af þessu
fólki talsvert meiri en öll hestasalan nemur. Þessu mega menn ekki
gleyma, þegar rætt er um gildi hestaverzlunarinnar.
Á síðast liðnum vetri komu hingað til lands menn frá kvikmynda-
tökufirma í New-York, sem höfðu fengið áhuga fyrir íslenzkum
hestum sumarið 1976, þegar yfirreiðin mikla var gerð þvert yfir
Bandaríkin. Skrifuð hafði verið bók um íslenzk börn á sveitabýli í
námunda við Heklu, þar sem hestar og kindur komu mikið við
sögu. Sambandið ákvað að stuðla að kvikmyndun þessarar bókar
hérlendis, og tók ég að mér að leiðbeina og aðstoða við þessa
kvikmyndun, sem aðallega fór fram í maí-mánuði. Þetta er sjón-
varps- og fræðslukvikmynd, sem fer vítt um lönd í hundruðum
eintaka. Það er nú verið að leggja síðustu hönd á gerð myndarinnar,
og telja frantleiðendur hennar, að hún muni fá góðar undirtektir og
sé vel gerð og skemmtileg. Myndin verður seld um öll enskumæl-
andi lönd, en einnig til meginlands Evrópu. Hún verður mikil