Búnaðarrit - 01.01.1979, Page 106
100
BÚNAÐARRIT
Ferðalög innanlands. Á árinu heimsótti ég 80—90 bændur, sem
voru að undirbúa byggingarframkvæmdir stórar eða smáar eða
smíði súgþurrkunarkerfa. Héraðsráðunautar voru yfirleitt með
mér á þessum ferðum. Þau svæði, sem ég fór um, voru þessi:
Árnessýsla, Rangárvallasýsla, V.-Skaftafellssýsla, Dalasýsla,
Eyjafjarðarsýsla og A.-Húnavatnssýsla. Á síðastnefnda svæðinu
heimsótti ég einkum bændur, sem ætluðu að koma upp
súgþurrkunarkerfi, en Búnaðarsamband A.-Hún. hefur að
undanförnu rekið skipulegan áróður fyrir aukinni súgþurrkun
meðal bænda. Auk þess, sem hér er talið, fór ég nokkrar ferðir að
Hvanneyri, Laugardælum ogí Pykkvabæ, en þar varsem áðurfylgst
með geymslu kartaflna, sem er hluti af athugunum, sem fram-
kvæmdar eru á vegum samstarfshóps um kartöfluræktun.
Utanlandsferð. Ég sótti stjórnarfund í VII. deild NJF — bútækni —
í Helsinki um miðjan janúar. Fundurinn var haldinn í tengslum við
ráðstefnu um aðferðir við meðhöndlun tilbúins áburðar, flutning
frá verksmiðju til bænda, geymslu hjá þeim og vinnu við dreifingu.
Rætt var um áburð í 50 kg pokum, í lausu máli og í „stórpokum,"
400—1000 kg. Margt athyglisvert kom fram á ráðstefnunni, og
ýmsar aðferðir, sem þróaðar hafa verið erlendis til þess að létta strit
bænda við meðferð áburðarins, getum við vafalaust hagnýtt okkur í
framtíðinni. Ég ritaði grein í Frey, þegar ég kom heim, um það
helzta, sem þarna kom fram.
önnur störf. Ég flutti fyrirlestur um garðávaxtageymslur fyrir
nemendur á Garðyrk juskóla ríkisins og dæmdi þar eina prófritgerð,
sem fjallaði um það efni. Einnig flutti ég fyrirlestur í Tækniskóla
íslands um loftræstingu gripahúsa og súgþurrkun. Ég átti sem áður
sæti í Áburðarverksmiðjunefnd, sem lauk störfum á árinu og skilar
greinargerð til Landbúnaðarráðuneytisins um þessi áramót um
athuganir á framleiðslu köfnunarefnisáburðar á Islandi. Nefndin
hefur m. a. notið sérfræðiaðstoðar frá Norsk Hydro við að kanna
hagkvæmni köfnunarefnisáburðarframleiðslu á íslandi, annars
vegar með innanlandsþarfir í huga og hins vegar stórframleiðslu til
útflutnings. Það síðarnefnda virðist ekki, að svo stöddu, vera
hagkvæmt, vegna mikils framleiðslukostnaðar og erfiðleika á
markaði. Hins vegar virðist mjög hagstætt að efla fram-