Búnaðarrit - 01.01.1979, Page 114
108
BÚNAÐARRIT
og 2. september að Króksfjarðarnesi og flutti þar erindi um land-
búnað á Vestfjörðum. í september ferðaðist ég um Austurland.
Ferðalög erlendis. Dagana 15., 16. og 17. nóvember mætti ég á
fundi með forstöðumönnum reiknistofnana landbúnaðarins á
Norðurlöndum að Árósum í Danmörku, sem varamaður Jóns Við-
ars Jónmundssonar í samstarfsnefnd á vegum N. B. C. varðandi
tölvunotkun í landbúnaði. Meðal annars var okkur sýnd reiknistofa
landbúnaðarins í Danmörku ,,LEC Landbrugs E. D. B.-center“,
sem Ove Kjærup veitir forstöðu. Stofnunin er á okkar mælikvarða
mjög stór með 420 ársmenn, þar af 90 forskriftar sérfræðinga. Ove
Kjærup varpaði fram þeirri hugmynd, að eftir 1980 mundu 25.000
bændur í Danmörku hafa not af tölvumiðstöðinni um sjálfvirka
símakerfi landsins. Með aðstoð leiðbeiningarþjónustunnar gætu
bændur fengið tölvuunnar áætlanir varðandi fyrirhugaðar fram-
kvæmdir, fóðuráætlanir og greiðsluflæði. Starfshópur vinnur nú að
þessu verkefni.
Ferð til Skotlands. Á heimleið frá Danmörku gafst mér tækifæri til
þess að koma í Háskólann í Edinborg og hitti meðal annarra Jim
Harkins, prófessor, og J. J. Cunningham, forstöðumann „Hill
Farming Reserch“. Einn dag dvaldi ég á Búreikningastofu Austur-
Skotlands og var mér meðal annars sýnd nýjung í starfsemi
héraðsráðunauta með aðstoð tölvu. Þrjár aðalskrifstofur
leiðbeiningarþjónustunnar í Austur- Skotlandi hafa nýlega keypt
tæki, sem tengja má við tölvumiðstöð Edinborgarháskóla í gegnum
síma. Tækinu má líkja við ritvél með símtólshulstri, þar sem sím-
tólinu er stungið ofaní, þegar búið er að ná sambandi í gegnum
símann við tölvuna. Með vélritun má síðan nota þær forskriftir, sem
skrifaðar hafa verið fyrir ráðunauta. Var mér sýnd notkun á
forskrift, sem reiknar út framlegð á holdanaut og hektara lands, út
frá þeim forsendum, sem ráðunautur eða bóndinn gefur upp. Tók
það tíu mínútur að vélrita upplýsingar og fá svar. Sá maður, sem sá
um þetta verkefni, var mjög ánægður með þátttöku ráðunauta. Þeir
geta notað hvaða sjálfvirkan síma sem er og því heima hjá viðkom-
andi bónda. Einn dag dvaldi ég í Landbúnaðarráðuneytinu í Skot-
landi, og ræddi við sex menn. Meðal annars var mér sýnt á hvaða
hátt þeir safna upplýsingum fyrir hagskýrslur um landbúnað, sem
líkja má við forðagæzluskýrslur, sem eru þó mun ítarlegri og þeim