Búnaðarrit - 01.01.1979, Page 121
SKÝRSLUR STARFSMANNA
115
Kjósarsýslu, í júlí til Norðurlands í Suður-Pingeyjarsýslu, í septem-
ber í Árnessýslu og Rangárvallasýslu. í október fór ég hringferð um
landið til Raufarhafnar, Vopnafjarðar, Austfjarða, í Hornafjörð og
um Skaftafellssýslur og í desember um Árnessýslu.
Verkefni mín á þessum ferðalögum voru margþætt að vanda. Ég
tók víða þátt í veiðiferðum, sérstaklega varðandi eyðingu vargfugla,
leiðbeindi byrjendum og öðrum um refa- og minkaveiðar. Alltaf
er gott að ræða við sem flesta um hina mörgu þætti þessara mála, þó
sérstaklega þegar sveitarstjórnarmenn og veiðimenn eiga í hlut. Á
ferðalögunum kom ég nokkrum sinnum á öll minkabúin til eftirlits,
sem einkum er, hvað varðar ástand girðinga, dýraskála og búra.
Ennfremur á þrifnaði og allri umgengni.
Veiðihundabúið. Hundabúið er rekið eins og undanfarin ár í t>or-
móðsdal í Mosfellssveit. Þar eru að jafnaði um 40 fullorðnir hundar
auk hvolpa í uppeldi og þjálfun.
Gísli Kristinsson frá Hafranesi, sem undanfarin ár hefur annazt
dagleg störf og eftirlit á búinu lézt hinn 29. ágúst. Hann hugsaði vel
um búið og vann önnur störf, sem honum voru falin, af natni og
trúmennsku. Gísli var áhugasamur og duglegur veiðimaður og fór
víða um landið til refa- og minkaveiða um langt árabil. Frá hunda-
búinu voru lánaðir veiðihundar til minkavinnslu, einnig voru út-
vegaðir hvolpar þaðan til fjölda veiðimanna. Frá því í haust hefur
Svavar Baldursson úr Reykjavík annazt vörzlu og hirðingu á
hundabúinu og er hann búsettur á staðnum.
Minkaeldið. Til hinna fjögurra minkabúa, sem starfrækt eru á
landinu, kom ég í nokkur skipti á árinu. Tveir tveggjaraða skálar
voru reistir hjá Loðfeldi h. f., Sauðárkróki, sem taka báðir til
samans milli 4 og 5 hundruð búr. Var frágangi þeirra lokið og dýr
alin í þeim fyrir förgun (pelsun) í haust. Margt er það á minkabúun-
um, sem árlega þarf að lagfæra eða endurnýja, margskonar breyt-
ingar og nýjungar koma fram í þessari vandasömu búgrein, sem
útlit er fyrir að eigi eftir að aukast á ný, en minkabúum hefur
fækkað um helming á s. 1. fimm árum. Hinsvegar mun eldisdýrum
ekki hafa fækkað.
Eyðing vargfugla. Mér var falið að halda áfram tilraunum á eyðingu
hrafna og máva með svefnlyfjum, gildir þessi reglugerðarsamþykkt